Logo

मेलाम्ची आउनुअघि नै महानगरमा पानी वितरण

ललितपुर खबर
ललितपुर
६ फागुन २०७५


मेलाम्चीको पानी कहिले आउने हो कुनै टंगो छैन तर ललितपुर महानगरबासीले भने तत्कालै खानेपानी पाउने भएका छन् । ललितपुर महानगरभित्र ५ वटा डिप बोरिङ्गमार्फत पानी वितरण गर्न लागिएको हो ।
ललितपुरको ठेचो,सुनाकोठी,धापाखेल,खुमल्टार,नखिपोटमा स्थापना हुने डिप बोरिङ्ग प्लाण्टबाट निकालिएको पानी पाटन आसपासका शहरी क्षेत्रमा वितरण हुनेछ ।
२ करोडको बजेट खर्चेर ललितपुरको २७ र २६का बासिन्दालाई वितरण गरिनेछ । पानी वितरणपछि १० हजार स्थानीयले सुविधा पाउनेछन् ।
गोदावरी नगरपालिकाको ठेचोमा काम पानी झिक्ने काम शुरु हुनै लागेको छ । धापाखेलमा काम भएको छ । डिप बोरिङ्ग काम शुरु गर्न सुनाकोठीमा सासंद पम्फा भुसालले भर्खरै शिलन्यास गरेकी छिन् । खुमल्टारमा भने काम सकिएर पानी आउन थालेको छ । नखिपोटमा सम्पन्न हुन बाँकी नै छ ।
सुनाकोठीमा भने उपत्यकाकै सबैभन्दा गइराई ३८० मिटरबाट डिप बोरिङ्गबाट प्रविधिबाट पानी निकाल्न लागेको प्रदेश सांसद राजकाजी महर्जनले जानकारी दिए ।

तस्विर ः राजकाजी महर्जन

प्रतिक्रिया दिनुहोस्