Logo

सगरमाथा चढ्न कल्पनालाई महानगरको ३० लाख

ललितपुर खबर
पुल्चोक ललितपुर
१४ फागुन २०७५

एक बर्षअघि सगरमाथाको सफल आरोहण गरिसकेकी ललितपुर ठेचोकी स्थानीय कल्पना महर्जनलाई ललितपुर महानगरले फेरि सगरमाथाा आाारोहणका लागि आर्थिक सहयोग गर्ने भएको छ । ललितपुरमा आयोजित एक कार्यक्रमका बीच एक्स्पेरियन्स आउटडोर्स नेपाल प्रालि र ललितपुर महानगरबीच रु ३० लाख आर्थिक सहयोग उपलव्ध गराउने सहमतीमा हस्ताक्षर भएको हो । महानगरको तर्फबट मेयर चिरिबाबु महर्जन र कल्पनाको तर्फबााट सगरमाथा आरोहणको बस्दोवस्त गर्ने संस्था एक्स्पेरियन्स आउटडोर्स नेपाल प्रालिका आध्यक्ष रविन्द्र महर्जनले सहमती पत्रमा हस्ताक्षर गरे ।
कल्पनाले १ वर्षअघि नेपालतर्फको दक्षिणी मोहडाबाट सगरमाथाको आरोहण गरिसकेकी छिन् । अव उनी सगरमाथाको उत्तरतर्फ चीनको भुभागबाट सगरमाथा चढ्नेछिन् । तुलनात्मक रुपमा उत्तरी मोहडा सगरमाथा चढ्न कठीन मानिन्छ ।
कल्पनाले महानगरको नाम र लोगो भएको झण्डा र वाङ्गमय सताव्दी पुरुष सत्यमोहन जोशीको तस्विर सगरमाथामा फहराउने छिन् । सहमती पत्रका उल्येख भए अनुसार सो को प्रमाणस्वरुप उनले तस्विर महानगरलाई उपलव्ध गराइनु पर्नेछ । महानगरपालिकाले जारी गरेको विज्ञप्ती अनुसार उनी वाङ्गमय सताव्दी पुरुष सत्यमोहन जोशीको जन्म शताव्दीको अवसर पारेर सगरमाथा चढ्न लागेकी हुन् ।
सगरमाथाको सफल आरोहणपछि कल्पनालाई महानगरको सद्भावना दुतको रुपमा विभिन्न कार्यक्रममा सहभागी गराइने योजना छ । कल्पनाको सफल सगरमाथा आरोहणको शुभकामना दिन मयर महर्जन, उपमेयर गिता सत्याल,प्रमुख प्रशासकीय अधिकृत पमप्रसाद भट्टराई र विभिन्न वडाका वडाध्यक्षहरुको उपस्थिती थियो ।
कल्पना पेशाले पत्रकार पनि हुन् ।

तस्विर ः टुरिजम मेल

प्रतिक्रिया दिनुहोस्