Logo

गाडीमा करेन्ट लाग्दा छपेलीमा युवकको मृत्यु

तस्विर ः दिपक घिमिरे समिर

लपु संवाददाता
७ भदौं ०७६, ललितपुर । ललितपुरको भट्टेडाडा छपेलीमा बुम ट्रकमा करेन्ट लाग्दा गाडी का सहचालकको मृत्यु भएको छ । गुल्मी मुसिकोट घर भएका १९ वर्षिय विकाश कार्कीको घटनास्थलमै मृत्यु भएको भट्टेडाँडा प्रहरी चौकीका प्रसनी लक्षमण थापाले जानकारी दिए ।
खलासीले गाडीको बुम उठाउदा गाडीमा करेन्ट प्रवाह भएर युवकको मृत्यु भएको प्रहरीको भनाई छ । हाइटेशनको लाइनमा छोएर सो घटना घटेको जानकारी प्राप्त भएको छ ।
यो घटना शनिबार विहान ९ बजेर १५ मिनेट ताका भएको थियो ।
गाडी चालक काठमाडांैंको चन्द्रगिरी नगरपालिका तिनथानाका राधाकृष्ण केसीलाई प्रहरीले नियन्त्रणमा लिएको छ । गाडीमा सामान्य क्षति भएको छ र गाडीको टायर जलेको प्रसनी थापाले जानकारी दिए ।

प्रतिक्रिया दिनुहोस्