Logo

कालोपत्र गर्न माग गर्दै पाटन सुन्धाराबासी आन्दोलित

स्थानीयबासीहरुले बीच सडकमा राखेको विरोध स्वरुप राखेको बोर्ड । तस्विरहरु ः ललितपुर खबर

लपु संवाददाता
२५ माघ ०७६,सुन्धारा । सुन्धारा सडक लामो समयसम्म कालोपत्रे नगरेपछि पाटनबासीले विरोधस्वरुप साइनबोर्ड राखेर विरोध जनाएका छन् । विगत दुई बर्षदेखि भत्केको सडक कालोपत्र नगर्दा आक्रोसित स्थानीयबासीले विरोधस्वरुप यो बोर्ड राखेका हुन् ।


२ महिनाअघि सडक कालोपत्र गर्न माग गर्दै स्थानयिबासी सडक विभागमा डेलिगेसन गएका थिए । मेलाम्चीले काम सकेको पत्र पाउनासाथ सडक कालोपत्र हुने आश्वासन पाएका स्थानीयबासीको माग पुरा नहुँदा यसरी सडक वोर्ड राख्न बाध्य भएको वडासदस्य जीवन गोविन्द बैद्यले बताउनु भयो ।


सडक कालोपत्र नभएपछि आन्दोलनका कार्यक्रम गर्न बाध्य भएको वडासदस्य बैद्य जिकिर गनर््ुहुन्छ । ‘सडक सधै खनेको छ, धुलो धुवाको सास्ती कति सहने ?उहाँ प्रतिप्रश्न गर्नुहुन्छ ।
आफ्नो माग पुरा नभएसम्म चरणबद्ध आन्दोलन गर्ने उहाले बताउनु भयो ।


हुँदाखाँदाको सुन्धारा सडक मेलाम्ची खानेपानी आयोजनाले ५ पल्ट खनेको कारण यो हालत भएको स्थानीयबासी बताउँछन् । दायाबाया र मुख्य पाइप राख्न सडक ५ पल्ट खनिएको थियो ।
उही सडक भएर पर्यटकहरु सौगलस्थित महाबौद्धको दर्शन गर्न पुग्छन् । सडक पेटीविहीन साधुँरो सडकमा धुलो खाँदै पर्यटक ओहोरदोहोर गर्छन ।
ललितपुर महानगरले पर्यटन बर्ष केन्द्रिय कयौं कार्यक्रम गरिसकेकोछ । तर सडकमा पर्यटकहरले धुलो खाएको खायै छन् । एक स्थानीयले आक्रोस पोखे ।
ग्वार्काे मंगलबजारको सुन्धारा खण्ड पर्ने यो सडक ललितपुर महानगरको ६,१२ र ८ नम्बर वडा हो ।

प्रतिक्रिया दिनुहोस्