Logo

यसरी अग्लो बन्दैछ धरहरा (तस्विरहरु)

गोधुरी साँझमा धरहरामा काम गर्ने क्रममा खटिएका कामदार । तस्विरहरु ः ललितपुर खबर

ललितपुर खबर फोटोग्राफी
२ चैत्र ०७६, सुनधारा काठमाडौं । ०७२ को विनासकारी महाभुकम्पले भत्काएको धराहरासँगै अर्को २२ तले धरहरा निर्माण भइरहेको छ । पुरानो धरहारालाई भत्केको अवस्थामै संरक्षण गर्ने उदेश्य सहित सुन्धारामा राजधानीकै अग्लो २२ तले धरहरा बनिरहेकेको छ । गत बर्षबाट शुरु भएको धरहरा हरेक दिन अग्लो भइरहेको छ ।

०७२ सालको महाभुकम्पले भत्काएको धरहरा सँगै निर्माणाधिन नयाँ धरहरा ।

महाभुकम्पले भत्केको धरहरा ९ तला सकिएको छ ।
दैनिक १५० कामदार निर्माणमा खटिएर धरहरा ३३ प्रतिशत सकिएको र रु ८५ करोड खर्च भएको राष्ट्रिय पुनःनिर्माण प्राधिकरणका सम्पदाविज्ञ राजुमान मानन्धरले जानकारी गराउनुभयो ।

निर्माणाधिन नयाँ धरहरामा काम गर्दै कामदार ।

रमन कन्सट्रक्शनले पुनःनिर्माणको जिम्मा पाएको यो धरहरा पुनःनिर्माण विसं २०७७ असोज महिना भित्रमा सक्ने गरी तीव्र अघि बढेको छ । धराहराको पुर्न्निर्माका लागि रु तीन अर्ब ४८ करोड खर्च हुने जनाइएको छ ।

धरहरापरिसरमा निर्माण हुने पार्कमा काम गर्दै डोजर र कामदार ।

प्रधानमन्त्री केपी शर्मा ओलीले गतवर्ष धरहरा पुनः निर्माणको शिलान्यास गर्नुभएको थियो पहिलाको भन्दा नयाँ बन्ने धरहराको चौडाइ ठूलो हुनेछ । दुईवटा लिफ्ट पनि हुनेछ । साथै एउटा परम्परागत भ¥याङ रहनेछ । लिफ्ट र भ¥याङ दुईवटै माध्यमबाट धरहरा चढ्न सकिनेछ । ४२ रोपनी क्षेत्रफलमा निर्माण शुरु गरिएको धरहरा बाहिरबाट हेर्दा ११ तलाको हुने भएता पनि भित्र भने २२ तला,उचाइ ७२ मिटर र ४८ फिटको बेस रहनेछ ।

धरहरा परिसरको एरियल दृश्यावलोकन ।

बगैँचा, सङ्ग्रहालय, रङ्गीन जलफोहरा, प्रदर्शनी हल, पार्किङस्थल, पसललगायत रहनेछन् । गोश्वारा हुलाक भएको स्थानमा उद्यान बनाइनेछ । उद्यानभित्र बस्ने ठाउँ, ढुङगेधारा, हरियाली, चमेनागृह हुनेछ । धरहरामा पढ्न चाहने, ध्यान गर्न चाहने या बस्न चाहने सबैका लागि सुविधा उपलब्ध हुनेछन् ।

नौ तला निर्माण भएपछि धरहरा ।

बालबालिका तथा ज्येष्ठ नागरिकमैत्री हुने र त्यहाँ आउने अवलोकनकर्ता सवारी साधनको व्यवस्थित पार्किङ गर्न सकिने गरी पुनःनिर्माण हुनेछ । पुरातात्विक हिसाबले महत्व बोकेको काठमाडौँलाई सुरक्षित र आकर्षित बनाउन ऐतिहासिक सम्पदाको पुनःनिर्माण अत्यावश्यक भएको काठमाडौँ महानगरपालिकाले जनाएको छ ।

प्रतिक्रिया दिनुहोस्