Logo

काठमाडौं उपत्यकामा भेटिए ४५ नयाँ कोरोना सङ्क्रमित


१५ साउन ०७७,काठमाडौं । काठमाडौँ उपत्यकामा थप ४५ जनामा कोरोना सङ्क्रमित भेटिएका छन् । स्वास्थ्य तथा जनसङ्ख्या मन्त्रालयका अनुसार काठमाडौँमा ४१ जना तथा भक्तपुर र ललितपुरमा दुई÷दुई जना गरी ४५ जनामा सङ्क्रमण देखिएको हो ।
नेपालभर भने थप २ सय ७४ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयद्वारा आज आयोजित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा देशभरिका विभिन्न प्रयोगशालामा छ हजार ३ सय ४ जनाको नमूना परीक्षण गर्दा २ सय ७४ नयाँ कोरोना सङ्क्रमित पुष्टि भएको जानकारी दिएका छन् । आजको सहित कोरोना भाइरसबाट सङ्क्रमितको सङ्ख्या १९ हजार ५ सय ४७ पुगेको छ । नेपालमा हालसम्म पीसीआर विधिबाट तीन लाख ६४ हजार ६४८ जनाको परीक्षण भएको छ । विहीबार एकैदिन २ सय २७ जना विभिन्न अस्पतालबाट डिस्चार्ज प्रवक्ता डा गौतमका अनुसार पछिल्लो २४ घण्टामा थप २ सय २७ जना उपचारपछि निको भएर घर फर्किएका छन् । योसँगै निको भएर घर फर्किनेको सङ्ख्या १४ हजार २ सय ४८ पुगेको छ । उनका अनुसार १३ हजार १ सय २ जना क्वारेन्टिनमा र पाँच हजार २ सय २७ जना आइसोलेशनमा रहेका छन् । अहिले मुलुकभर पाँच हजार २ सय २७ सक्रिय सङ्क्रमित छन् । कोरोना भाइरस सङ्क्रमणबाट हालसम्म ५२ जनाको निधन भएको छ ।। पछिल्लो २४ घण्टामा थप तीन जना सङ्क्रमितको मृत्यु भएको प्रवक्ता डा गौतमले जानकारी दिएका छन् ।

प्रतिक्रिया दिनुहोस्