Logo

ललितपुरमा १६ जनामा कोरोना संक्रमित फेला, यी हुन् संक्रमित


लपु संवाददाता
२७ साउन ०७७,ललितपुर । ललितपुरमा मंगलबार १६ जनामा कोरोना संक्रमण भेटिएको छ । स्वास्थ्य कार्यालय ललितपुरले दिएको जानकारी अनुसार ललितपुर महानगरपालिकामा १३ जनामा कोरोना संक्रमण देखिएको छ ।
लुभु लामाटार इमाडोल र टिकाथली समेटेर बनाइएको महालक्ष्मी नगरपालिकामा २ जनामा कोरोना संक्रमण देखिएको छ ।
गोदावरी नगरपालिकामा भने १ जनामा मात्रै कोरोना संक्रमण पुष्टि भएको छ ।
संक्रमितको उमेर समूह २१ वर्षदेखि ४५ बर्षसम्म रहेको छ । यीमध्ये ललितपुर महानगरमा बसोबास गर्ने ५ जना बाहेक सबै संक्रमितहरु यहाँका रैथाने बासिन्दा हुन् ।
मंगलबार फेला परेका कोरोना संक्रमितसँगै अहिलेसम्म ललितपुरमा १ सय ७९ जना कोरोना संक्रमित भेटिएका छन् । यी मध्ये १ सय २० जना पुरुष छन् भने महिला ५९ जनामा मात्रै छन् ।

प्रतिक्रिया दिनुहोस्