Logo

गोदावरी सडक मर्मतको माग राख्दै ज्ञापन पत्र

२८ साउन ०७७, ललितपुर । ललितपुरको पर्यटकीय स्थल गोदावरी प्रवेश गर्ने सडक जीर्ण रहेको र चाडोे मर्मतको माग गर्दै गोदावरी गोदावरी होटल रेष्टुराँ एशोसियसनले प्रदेश सासंद राजकाजी महर्जन र गोदावरी नगरपालिकाका मेयर गजेन्द्र महर्जनलाई ज्ञापनपत्र बुझाएको छ ।
होटल संघका अध्यक्ष राज घिमिरेको प्रतिनिधि मण्डलले मंगलबार ज्ञापन पत्र बुझाएको हो ।
सडककै कारणले गर्दा यस क्षेत्रका होटल व्यावसायमा गम्भिर असर परेकोले ज्ञापनपत्र बुझाउनु पर्ने अवस्था आएको घिमिरेले ललितपुर खबरलाई बताएका छन् ।
लामो समयदेखि सडक जीर्ण हुँदा गोदावरी जान र आउन समस्या छ । बर्षामा हिलाम्मे हुने यहाँको सडक हिउद याममा धुलोले हिड्न सक्ने अवस्था हुँदैन ।
सरकारले सडक विस्तारको ठेक्क लगाएको भए पनि यस सडकको काम शुरु भएको छैन । स्थानीयबासील घरकोे मुआव्जा क्षतिपुर्ति र जग्गाको समेत मुआव्जा मागेर आन्दोलन गरिरहेका छन् ।
गोदावरीको टौखेलदेखि भने सडकको दुवैतर्फ ८÷८ मिटर सडक विस्तार भइरहेको छ ।

प्रतिक्रिया दिनुहोस्