Logo

ठेचो वडाले टास्यो टिपर निषेधको साइन बोर्ड

गोदावरी नगरपालिका ठेचो वडा कार्यालयले महानगरिय प्रहरी बृत्त कार्यालय अगाडि राखेको टिपर निशेधको बोर्ड । तस्विर ः ललितपुर खबर

२८ साउन ०७७, ठेचो । गोदावरी नगरपालिका वडा नं. १२ ठेचोले आफ्नो वडाभित्रको सडकमा टिपर निषेधको साइन बोर्ड महानगरिय प्रहरी बृत चापागाँउ अगाडिलगायत ठाँउ ठाँउमा राखेको छ । साधुरो सडकबाट निरन्तर ढुंगा गिटी बोक्ने ठूला सवारी साधन गुड्न थालेपछि वडा कार्यालयले बोर्ड राखेको हो ।
वडाध्यक्ष जगतबहादुर महर्जनले बस्तीबाट निर्माण सामाग्री बोक्ने टिपर चलेपछि बोर्ड राखिएको हो । उनले भने, ‘निर्णय पहिले नै भएको हो । सूचना चाही भर्खर टागेका छौं ।’
आजकल दिउसोको समयमा टिपर चलाउन पाइदैन । हरेक साँझ प्रहरीले ललितपुर चापागाँउ प्याङ्गगाँउमा लाम लगाएर निर्माण सामाग्रीको गाडी राख्ने गरेको छ भने प्रहरीले पालौ पालो छोड्ने गरेको छ ।
पछिल्लो समय निर्माण व्यावसायीले ठुला टिपर चलाउन छोडेर साना भारतबेन्च गाडी चलाउने गरेको छ । २ सय पचास देखि ३०० क्युवफिट निर्माण सामाग्री अट्ने यस्ता गाडी निरन्तर चल्दा ८ महिनाअघि बनाइएको सडक उस्तै भएको छ ।
बर्षाको समयमा निर्माण सामाग्री बोक्न बनाइएको नख्खु कोरिडोर विग्रदा निर्माण सामाग्री बोक्ने सवारी साघुरो सडक रहेको चापागाँउ ठेचो सुनाकोठी हुँदै गुड्ने गरेका छन् ।

स्थानीय बासिन्दाले भने साँघुरो सडकमा पुराना ट्रक समेत गुड्ने गरेकाले यस्ता गाडीलाई समेत निषेध गर्न माग गरेका छन् । साँझपस गाडीको अत्याधिक चाप रहेको बेला निर्माण सामाग्री बोक्ने गाडी लस्करै गुड्ने हुँदा जाम बढेको भन्दै ठेचो सुनाकोठीबासीले निर्माण सामाग्री बोक्ने गाडी राक्न पटक पटक आग्रह गरिरहेका छन् ।
घना बस्ती रहेको यहाका सडक वरपर वालवालिका र बृद्ध समेत हिडडुल गर्ने र तिब्र गतीमा ग्ुड्ने निर्माण सामाग्री बोक्ने गाडीका कारण असुरक्षा बढेको स्थानीय बासीको भनाई छ ।

प्रतिक्रिया दिनुहोस्