Logo

शुक्रबार देशभर अहिलेसम्मकै धेरै १ हजार ४ सय ५४ सङ्क्रमित थपिए


२६ भदौं ०७७, काठमाडौं । नेपालमा पछिल्लो २४ घण्टामा अहिलेसम्मकै धेरै कोरोना सङ्क्रमित फेला परेका छन् । स्वास्थ्य तथा जनसङ्ख्या मन्त्रालयका अनुसार सबैभन्दा धेरै सङ्क्रमित काठमाडौँ उपत्यकाका छन् ।
काठमाडौँमा ६सय २०, ललितपुर र भक्तपुरमा ३८÷३८ गरी उपत्यकामा मात्रै ६ सय ९६ नयाँ सङ्क्रमित थपिएका छन् । कुल १० हजार ७ सय१ नमूना परीक्षण गर्दा देशभर आज ४ सय ६३ महिला र ९ सय ९१ पुरुष गरी एक हजार ४ सय ५४ सङ्क्रमित फेला परेका मन्त्रालयका प्रवक्ता प्राडा जागेश्वर गौतमले जानकारी दिएका छन् । यससँगै नेपालमा कोरोना सङ्क्रमितको कूल सङ्ख्या ५१ हजार ९ सय १९ पुगेको छ ।
यस्तै रुपन्देहीमा १ सय २, चितवनमा ७४, कैलालीमा ६७, मोरङमा ४७, सुनसरीमा ४४, नवलपरासी ३५, कपिलवस्तुमा २८, सुर्खेतमा २६, गुल्मीमा २०, बाँकेमा १८, झापामा १४, प्युठानमा १३, पाल्पा, सिरहा र सङ्खुवासभामा १२÷१२, रुकुमा पूर्व, कास्की र काभ्रेपलाञ्चोकमा ११÷११, सर्लाहीमा सात, डोटी, गोरखा र रौतहटमा छ÷छ, दाङमा पाँच, स्याङ्जा र सप्तरीमा चार, रोल्पा र पर्सामा तीन÷तीन, कञ्चनपुर, सिन्धुली, सिन्धुपाल्चोक, बारा, महोत्तरी र धनुषामा दुई÷दुई, जुम्ला, बर्दिया र धादिङमा एक÷एक सङ्क्रमित थपिएका हुन् ।

पछिल्लो २४ घण्टामा ९ सय ७२ जना कोराना मुक्त भई डिस्चार्ज भएका छन् । हालसम्म कुल सङ्क्रमितमध्ये ७०.६ प्रतिशत अर्थात ३६ हजार ६ सय ७२ जना कोरोना मुक्त भएका छन् । आज कुल सक्रिय सङ्क्रमितको सङ्ख्या १४ हजार ९ सय २५ छ । तीमध्ये छ हजार ६३४ होम आइसोलेसनमा र आठ हजार २ सय ९१ संस्थागत आइसोलेसनमा छन् । क्वारेन्टिनमा रहनेको सङ्ख्या छ हजार ७८ छ । नेपालमा हालसम्म आठ लाख २१ हाजर १८६ नमूनाको पिसिआर परीक्षण गरिएको छ ।
सक्रिय सङ्क्रमितमध्ये १ सय ७० जनाको आइसियू र २५ जनाको भेन्टिलेटरमा उपचार भइरहेको छ । प्रदेश १ मा पाँच, प्रदेश २ मा २४, वाग्मती प्रदेशमा १ सय ७, गण्डकी प्रदेशमा पाँच, प्रदेश ५ मा ३३, कर्णाली प्रदेशमा छ र सुदूरपश्चिम प्रदेशमा एक जनाको आइसियूमा उपचार भइरहेको छ । यस्तै वाग्मती प्रदेशमा २२ र सुदूरपश्चिम प्रदेशमा एक जनाको भेन्टिलेटरमा उपचार भइरहेको मन्त्रालयले जनाएको छ ।
सुनसरी, सर्लाही, काठमाडौँ, चितवन र रुपन्देहीमा ५ सय बढी सक्रिय सङ्क्रमित उपचारमा रहेका मन्त्रालयले जनाएको छ । यस्तै सोलुखुम्बु, मनाङ, मुस्ताङ, म्याग्दी, डोल्पा, मुगु र हुम्लामा भने सक्रिय सङ्क्रमित छैनन् ।

पछिल्लो २४ घण्टामा कोरोना भाइरस सङ्क्रणबाट पाँच जनाको मृत्यु भएको मन्त्रालयले पुष्टि गरेको छ । मोरङका ४० वर्षीया महिला र महोत्तरीका ६५, धनुषाका ४५, काठमाडौँका ७० र नवलपरासीका ५५ वर्षीय पुरुषको कोरोना सङ्क्रमणबाट मृत्यु भएको छ । यससँगै नेपालमा कोरोना सङ्क्रमणबाट ज्यान गुमाउनेको सङ्ख्या ३ सय २२ पुगेको छ । विश्वभर कोरोना भाइरसका कारण आजसम्म नौ लाख १४ हजार २ सय ६६ जनाले ज्यान गुमाएका छन् । दुई करोड ८३ लाख ३५ हजार ६७७ सङ्क्रमितमध्ये दुई करोड तीन लाख ५७ हजार ३ सय ९१ निको भएका छन् ।

प्रतिक्रिया दिनुहोस्