Logo

काठमाडौं उपत्यकामा पुगे १२ हजार कोरोना सङ्क्रमित


२९ भदौं ०७७, काठमाडौं । काठमाडौ उपत्यकामा कोरोना भाइरस सङ्क्रमितको सङख्या १२ हजार पुगेको छ । स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीले काठमाडौ उपत्यकामा हालसम्म १२ हजार २ सय ४८ जनामा सङ्क्रमण देखिएको बताएका छन् ।
देशभरमा अहिलेसम्म कुल सङ्क्रमितको सङ्ख्या ५५ हजार ३ सय २९ पुगेको छ । तिमध्ये १० हजार सङ्क्रमित काठमाडौ जिल्लाका रहेका छन । काठमाडौ जिल्लामा महिला तीन हजार ३ सय २ र पुरुष छ हजार ७ सय २४ जना रहेका छन् ।
५ सय ४१ महिला र ६ सय ५० पुरुष ललितपुरमा एक हजार १ सय ९१ ज्नामा संक्रमण भेटिएको छ । ४ सय २८ जना महिला र ६ सय ३ पुरुषसहित भक्तपुरमा एक हजार ३१ जना सङ्क्रमितमा छन् ।
पछिल्लो पटक बन्दाबन्दी खुकुलो भएसँगै उपत्यकामा सङ्क्रमितको सङ्ख्या बढ्न थालेको हो । अहिले दैनिक ४ सयको हाराहारीमा उपत्यकामा सङ्क्रमित बढ्न थालेका छन् । आजैमात्र उपत्यकामा ५ सय १२ जना सङ्क्रमित फेला परेका छन । काठमाडौमा ४ सय ८०, भक्तपुरमा ४३ र ललितपुरमा २९ जना सङक्रमित फेला परेका छन ।
१८ जिल्लामा एक हजार भन्दा बढी सङ्क्रमित
इपिडिमियोलोजी तथा सरुवा रोग नियन्त्रण महाशाखका अनुसार एक हजार भन्दा बढी सङ्क्रमित हुने जिल्ला उपत्यकासहित १८ वटा छन । काठमाडौ जिल्लापछि पर्सामा सवभन्दा बढी सङ्क्रमित देखिएका छन । पर्सामा दुई हजार ५सय ४४, सर्लाहीमा दुई हजार २ सय ७९, मोरङमा दुई हजार २ सय ६७, रौतहटमा दुई हजार ९, कैलालीमा एक हजार ९ सय ९०, धनुषामा एक हजार ९०३ र रुपन्देहीमा एक हजार ७८४ जनामा सङ्क्रमण देखिएको छ ।
बाँकेमा एक हजार ४ सय ५०, महोत्तरीमा एक हजार ४ सय २३, चितवनमा एक हजार ३ सय ४४, सुनसरीमा एक हजार ३ सय १६, कपिलवस्तुमा एक हजार २ सय ७७, बारामा एक हजार २ सय ३७, दैलेखमा एक हजार ९९ र डोटीमा एक हजार २० जना रहेका छन् । नेपालमा अहिलेसम्म कुल ३९ हजार ५ सय ७६ जना डिस्चार्ज भएका छन् ।

प्रतिक्रिया दिनुहोस्