Logo

स्वास्थ्य मन्त्रालयले २५ हजार संक्रिय संक्रमित पुगेपछि फेरी लक डाउन सिफारिस गर्ने


७ असोज ०७७, काठमाडौं । स्वास्थ्य तथा जनसंख्या मन्त्रालयले २५ हजार संक्रमित पुगेपछि फेरि पनि लकडाउन गर्न सरकारलाई सिफारिस गर्ने भएको छ ।
बुधबार स्वास्थ्य मन्त्रालयमा आयोजित नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमलेसक्रिय संक्रमित २५ हजार पुगे सरकारलाई फेरि लकडाउन गर्न सिफारिस गरिने जानकारी गराएका हुन् ।
गौत्तमले सक्रिय संक्रमित संख्या २५ हजार पुगे स्वास्थ्य पूर्वाधारले धान्न गाह्रो हुने तर्क गरेका थिए ।
बुधबारसम्म सक्रिय संक्रमितको संख्या १४ हजार ४ सय १४ पुगिसकेको छ । तर संक्रमितसँगै कोरोनामुक्त हुने क्रम पनि धेरै रहेकोले तत्कालै २५ हजार संक्रिय संक्रमितको संख्या पुग्ने सम्भावना देखिदैन ।
मन्त्रालयले संक्रमणको जोखिम उच्च रहेको भन्दै जनस्वास्थ्यका मापदण्ड पालना हुन नसक्ने व्यवसायहरू कम्तिमा एक महिना नखोल्न समेत सिफारिस गर्ने डा गौत्तमले बताएका छन् ।

प्रतिक्रिया दिनुहोस्