Logo

सकियो पत्रकार महासंघको निर्वाचन, बिहीबार सबै तहको मतपरिणाम आउने

नेपाल पत्रकार महासङघको आज भएको चुनावमा ललितपुरस्थित मतदान केन्द्रमा भोट हाल्दै महिला पत्रकार । तस्वीरः प्रदीपराज वन्त/रासस

२५ चैत ०७७, काठमाडौं । नेपाल पत्रकार महासङ्घका सबै शाखा, प्रदेश समिति र केन्द्रीय समितिको निर्वाचन आज बुधबार एकसाथ भएको छ। पत्रकार महासङ्घ प्रत्यक्ष मतदान प्रणालीमा प्रवेश गरेपछि केन्द्रीय समितिको निर्वाचन पहिलो पटक प्रत्यक्ष प्रणालीबाट भएको हो।
महासङ्घको केन्द्रीय समिति, प्रदेश समिति, जिल्ला शाखा र विभिन्न प्रतिष्ठान तथा एसोसिएटमा नयाँ नेतृत्वका लागि १३ हजार १ सय २२ सदस्यले एकसाथ मतदान गरेका छन् । बिहान ९ बजेदेखि साँझ ५ बजेसम्म मतदानको व्यवस्था गरिएको थियो । मतदान सम्पन्न भएपश्चात बुधबार नै मतगणना शुरु गरिने छ । कुनै बाधा नभए चैत २६ गते सबै तहको मतपरिणाम आउने महासङ्घको केन्द्रीय निर्वाचन समितिका संयोजक वरिष्ठ पत्रकार कपिल काफ्लेले जानकारी दिएका छन् ।


नेपाल पत्रकार महासङघको आज भएको चुनावमा अध्यक्ष पदका प्रत्यासी गजेन्द्रसिंह बुुढाथोकी ललितपुरस्थित मतदान केन्द्रमा पत्रकारसँग मत माग्र्दै । तस्बिरः प्रदीपराज वन्त/रासस

निर्वाचनका लागि ७७ जिल्लाको सम्बन्धित जिल्ला शाखामा, ४२ प्रतिष्ठानको विभिन्न १९ स्थानमा र एक एसोसियटको दशरथ रङ्गशालामा गरी कुल ९७ बुथमा निर्वाचन तोकिएको थियो ।
केन्द्रीय समितिको ४९ पदका लागि १ सय ५२ को उम्मेदवारी परेको छ । केन्द्रीय समितिको अध्यक्षमा विपुल पोखरेल र निर्मला शर्माले प्यानलसहित उम्मेदवारी दिएको छन् भने गजेन्द्रसिंह बुढाथोकी पनि अध्यक्षको प्रत्याशी छन् ।

नेपाल पत्रकार महासङघको केन्द्र, प्रदेश र जिल्ला शाखाको निर्वाचनमा बुधबार भक्तपुरमा मतदात गर्दै महासङघका सदस्य । नेपाल पत्रकार महासङघको आज देशभर मतदान हुँदैछ । तस्बिर रत्न श्रेष्ठ/रासस

प्रतिक्रिया दिनुहोस्