Logo

पाटनमा लुकी लुकी व्यापार, जनजीवन कष्टकर


ललितपुर खबर
१० जेठ ०७८, पाटन । कोरोना माहामारुपिछि संक्रमण बढ्दै जाँदा २५ दिनअघि सुरु भएको निषेधाज्ञाका कारण राजधानीको जनजीवन कष्टकर बन्दै गएको छ ।
राजधानकिा काँठ क्षेत्र आँशिक मात्रामा खुलेको भए पनि शहरी क्षेत्रका निम्न तथा मध्यम बर्गका बासिन्दाको जनजीवन कष्टकर बन्दै गएको हो ।


लामो समय बन्दपछि विहान बेलुका खान नै समस्या भएपछि ललितपुर पाटन क्षेत्रका कतिपय पसल व्यावसायहरु लुकी लुकी खुल्न थालेका छन् । ललितपुर मंगलबजारमा आधा सटर खोलेर पसल खोलेको अवस्थामा भेटिएकी एक महिला दैनिक समस्या धान्न नै नसक्ने अवस्था आएपछि पसल आधा सटर खोल्न थालेको बताइन् । पाटन दरवार नजिकै अर्का पुरुष चामल खान पैसा नभएरपछि साग बोकेर डुल्ने गरेको बताए । भने, प्रहरी देखे भोला बन्द गर्छ नत्र खोलेर बेच्छु ।
सौगल भेटिएकी महिला लामो समयदेखि आफ्नो कपडा पसल बन्द गर्दा विहान बेलुका खाने समस्या पर्न थालेको बताइन् । भनिन्, ‘पहिलेजस्तो कसैले चामल बाडेको देखेको छैन । कहाँ माग्न जानु समस्या भयो ।’
पछिल्ला दिनमा पाटनका सडकमा आउने मानिसको संख्या पनि उल्येख्य रुपमा बढ्दै गइरहेको छ । पाटन दरवार, मच्छिन्द्र बहाल,कुम्मेश्वरलगायतका ठाँउमा स्थानीयहरु बस्ने र कुराकानी गरिरहेको देख्न सकिन्छ ।
पाटनका मुख्य बजार भने पूर्णतया बन्द छन् । विहान १० बजेसम्म खाद्यान्न लगायतका पसलसँगै केही अरु पसलपनि लुकिचोरी खुल्न थालेको छ ।

गत वैशाख २८ गते जिल्ला प्रशासन कार्यालयका कामु प्रमुख जिल्ला अधिकारी ढुण्डीप्रसाद निरौलाले वैशाख २९ गतेदेखि दोश्रो पटक ै जेठ १३ गते १२ बजेसम्म निषेधाज्ञा जारी गरिएको छ । यस अवधिमा अत्यावश्यक सेवा लिदा बाहेक बाहिर ननिस्कन र बजार पसल नखोल्न आदेश छ ।

 

तपाईसँग समसामयिक सन्दर्भमा कुनै लेख\रचना, समाचार, प्रेस नोटहरु, सल्लाह, सुझाव र प्रतिक्रिया भएमा [email protected] मा हामीलाई पठाउनुहोला । हामी सम्भव भएसम्म धन्यवादसहित प्रकाशन गर्नेछौं । सम्पादक

प्रतिक्रिया दिनुहोस्