Logo

जावलाखेल फुटबल क्लबका म्यानेजर ‘आइस ड्रग’सहित पक्राउ

१७ जेठ ०७८, ललितपुर। ललितपुर जावलाखेल फुटबल क्लबका म्यानेजर अनुप श्रेष्ठ ‘पार्टी ड्रग’ मानिने महँगो एम्फेटामाइन (आइस) लागूऔषधसहित पक्राउ परेका छन् । प्रहरी परिसर, ललितपुरको टोलीले श्रेष्ठसहित तीनजनालाई पक्राउ गरेको हो ।

ललितपुर प्रहरीका अनुसार श्रेष्ठको कोठाबाट ५० ग्राम एम्फेटामाइन, जोख्ने तराजु, प्याकिङका लागि राखिएका प्लास्टिक र ५० हजार रुपैयाँ बरामद भएको छ ।

सोमबार जिल्ला अदालत, ललितपुरबाट म्याद थप गरेर विस्तृत अनुसन्धान शुरु गरिएको प्रहरीले जनाएको छ ।

श्रेष्ठ स्थानीय टोल सुधार समितिमा पनि आवद्ध छन् । आफैं पनि लागूऔषध प्रयोगकर्ता रहेका उनले खेलमैदानमै युवालाई लागूऔषध बिक्री पनि गर्ने गरेको प्रहरी दाबी छ ।

तपाईसँग समसामयिक सन्दर्भमा कुनै लेख\रचना, समाचार, प्रेस नोटहरु, सल्लाह, सुझाव र प्रतिक्रिया भएमा [email protected] मा हामीलाई पठाउनुहोला । हामी सम्भव भएसम्म धन्यवादसहित प्रकाशन गर्नेछौं । सम्पादक

प्रतिक्रिया दिनुहोस्