Logo

ललितपुरको महालक्ष्मी नगरमा निरन्तर घट्दै कोरोना संक्रमण

महालक्ष्मी नगरमा एक युवतीको कारेरोना परिक्षण गरिदै । लेन्स : महालक्ष्मी नगर

ललितपुर खबर
४ असार ०७८, ललितपुर । ललितपुरको महालक्ष्मी नगरमा दिनानुदिन कोरोना संक्रमण घट्दै गइरहेको पाइएको छ । महालक्ष्मी नगरद्वारा सार्वजनिक गरेको तथ्याङ्क विश्लेषणपछि यस नगरमा कोरोना संक्रमण क्रमशः घट्दै गएको देखिएको हो ।

जेठ ८ गते कोरोना परिक्षणको २६.१९ प्रतिशत कोरोना संक्रमण भेटिएकोमा यो संख्या घट्दै गई असार ३ गते २.२२ प्रतिशत मात्रै कोरोना संक्रमण फेला परेको हो ।
गत वैशाख २६ गते नगरको गम्भिर समुन्द्र सेतु स्कुलमा ८८ जनाको एन्टिजेन परीक्षण गर्दा २१ जनामा कोरोना भटिएको थियो ।

भर्खरै सार्वजनिक कोरोना संक्रमणको डाटा ।

पछिल्लो समय नगरपालिकाले असार ३ गते विहीबार नगरको ३ नम्बर वडास्थित बोझेपोखरी आधारभूत स्वास्थ्य सेवा केन्द्रमा गरिएको एन्टिजेन टेष्टमा जम्मा ७४ जनाको परीक्षण गरिएकोमा ३ जनाको कोरोना पोजेटिभ आएको हो ।
गत बुधबार नगरको २ नम्बर वडा भगवानस्थान परिसरमा गरिएको एन्टिजेन परिक्षणमा ३.१४ प्रतिशत कोरोना भेटिएको थियो । यहाँ जम्मा ४५ जनाको परीक्षण गरिएकोमा ७ जनाको कोरोना पोजेटिभ आएको हो ।

त्यसअघि जेठ २८ गते नगरको ४ नम्बर वडा कमलपोखरी सामुदायिक भवनमा गरिएको एन्टिजेन एण्डिजेन परिक्षणमा ५.७८ प्रतिशत स्थानीयमा कोरोना भेटिएको थियो । यहाँ १२१ जनाको परीक्षण गरिएकोमा ७ जनाको कोरोना पोजेटिभ भेटिएको हो ।
यस महालक्ष्मी नगरमा गतजेठ २३ गते ११.५९ प्रतिशत, जेठ ८ गते २६.१९ प्रतिशत, वैशाख २१ गते २२.५६ प्रतिशत कोरोना देखिएको नगरपालिकाले सार्वजनिक गरेको तथ्याङ्क केलाउदा देख्न सकिन्छ ।


नगरपालिकाका मेयर रामेश्वर श्रेष्ठ जनप्रतिनिधि र स्वास्थ्यकर्मीको निरन्तर प्रयासका कारण कोरोना संक्रमण घट्दै गइरहेको बताउछन् । उनी भन्छन्,नगरपालिकाले निरन्तर एण्टिजेन प्रविधिबाट कारोना परिक्षण गरिरहेको छ । कोरोना देखिने संक्रमितहरुलाई आइसोलेसनमा राख्ने र गम्भिर विरामीहरुलाई अस्पतालमा पु¥याई उपचार गराई रहेको कारण घट्दै गइरहेको बताउछन् ।

तपाईसँग समसामयिक सन्दर्भमा कुनै लेख\रचना, समाचार, प्रेस नोटहरु, सल्लाह, सुझाव र प्रतिक्रिया भएमा [email protected] मा हामीलाई पठाउनुहोला । हामी सम्भव भएसम्म धन्यवादसहित प्रकाशन गर्नेछौं । सम्पादक

प्रतिक्रिया दिनुहोस्