Logo

‘पपजी, फ्रिफायर मात्रै होइन, टिकटकसमेत बन्द गर्नुपर्ने आवाज उठेको छ’

 

आशाकुमारी विक
सासंद, प्रतिनिधि सभा
कोरोना संक्रमणपछि लकडाउन भयो । सबै मानिस कोठाभित्र बस्नु पर्ने बाध्यता आयो । वालवालिकाहरु भौतिक रुपमा विद्यालय जान सकेनन् । सरकारले वालवालिकाहरुलाई अनलाइनबाट पढाउन अनलाइन कक्षा सञ्चालन गर्ने नीति ल्यायो ।
अनलाइन कक्षा पढ्ने क्रममा वालवालिकाहरुको हातमा ल्यापटप र मोवाइल आयो । आमावावुले वालवालिकालाई पैसा नभए पनि ऋण गरेर मोवाइल दिए । यसअघि उनीहरु अविभावकहरुको मोवाइल लिएर चलाउथे ।
पढ्ने बसेका यी वालवालिकाहरु मोवाइल, ल्यापटपमा फेसबुक,युट्युव,टिकटक चलाउदा र अनलाइन गेमहरु खेल्दा खेल्दै उनीहरुमा लत बस्यो । जाँड रक्सी चुरोट खाएजस्तै उनीहरुमा तल बसेको छ । उनीहरुलाई अहिले इन्टरनेटमा झुम्मिने तल बसेको छ । अहिले यो घर घरको समस्या बनेको छ । साथीभाईहरु भेट्दा, आफन्तसँग कुरा हुँदा वालवालिकाहरुको अनलाइन गेमको समस्या सुन्न सकिन्छ । आफूलाई जिम्मेवार ससंद सदस्य भएको नाताले मलाई पनि यो समस्या कसरी समाधान गर्ने होला भन्ने लागिरहन्थ्यो ।


लामो समय संसद चल्न सकेन । जव संसद चल्यो संसदमा बोल्ने पालो पहिले नै मेरो आयो । मसँग एमसिसि,भूमि आयोग, सरकारका र जिल्लामा समस्याहरु संसदमा उठाउनु पर्ने थियो । सुन्दा सामान्य लाग्ने तर सबैको घर घरको समस्या आनलाइन गेम बन्द गर्नुपर्ने आवाज मैले संसदमा उठाउने निर्णय गरे ।
अनलाइन गेम पपजि, फ्रिफायर बन्द गर्नु पर्छ भनेर मैले संसदमा बोलेपछि चारैतिर तरंग ल्यायो । मैले बोले लगत्तै अधिकाशंलाई छोएछ । सिन्धुपाल्चोक,अर्घाखाची,बुटवल,बझाङदेखि कतारसम्मबाट फोन आयो । मैले बोलेपछि धेरैले धन्यवाद दिएका छन् । पपजी, फ्रिफयर मात्रै होइन टिकटकसमेत बन्द गर्नुपर्ने आवाज उठेको छ ।
तर धेरै गेम खेल्ने बच्चाहरु गेम बन्द गर्नु हँुदैन भन्ने आवाज पनि उठाइ रहेका छन् । भ्रष्टाचार रोक, नेताहरु सुध्र, गेम रोक्ने होइन भन्ने आवाज सुनेको छु । मेरो नाममा ट्रोल बनाएर यसको विरोध भइरहेको छ । तर थोरैले विरोध गरेका छन्, धेरैले घरघरबाट धन्यवाद दिएका छन् । राम्रो काम गर्न विरोधले असर गर्दैन । म सत्यको पक्षमा बोलिरहेको छु ।
मैले संसदीय समितीमा पनि कुरा गरे । सबै जसोले अनलाइन गेम बन्द गर्नुपर्छ भन्ने आवाजको समर्थन गरेको पाए । जिल्लामा जाँदा पनि सबैले सही आवाज उठाएको भन्दै धन्यवाद दिएका छन् । मैले पार्टीमा कुरा गरेर संसदमा सार्वजनिक महत्वको विषयको रुपमा दर्ता गर्ने योजना बनाएकोे छु । यसलाई सरकारले नै विद्ययक बनाएर संसद लैजान पनि सक्छ । म लगत्तै सञ्चारसचिवसँगे भेट्दै छु । पार्टीका जिम्मेवार पदाधिकारीसँग कुरा गरेर समस्या समाधान गर्ने कोशिस गर्नेछु ।
अनलाइन गेम खुला हुँदा केही फाइदा त होला । ९५ प्रतिशत समाजलाई घाटा छ । धेरै देशले अनलाइन गेम बन्द गरेका छन् । ती देशमा विकाश भएकै छ ।
वालवालिकाहरुलाई मनोरञ्जन दिन अरु उपाय पनि छन् । उनीहरुलाई प्रकृतिसँग खेल्नु दिनुपर्छ । अनलाइन गेमको विकल्पमा नयाँ नयाँ ठाँउमा घुमाउन सकिन्छ । घर घरमा बसेर हान हान मारमार भनेर चिच्याउने गरेको देखिन्छ । खेल खेल्दा हारे वालवालिकाहरु विक्षिप्त हुने, एकोहोरो पना,एक्लै बस्ने,रिसाउने गरेका छन् । टिकटक बनाउने क्रममा लडेर मरेको समाचार पनि सुनिएका छन् । केही दिनअघि चावहिलमा युवकले आफ्नो वावुलाई मारेको घटना सार्वजनिक भएको छ ।
नबोल्न,े बोलेदेखि झर्कने, रिसाउने, एकोहोरोपना, रातभरि नसुती गेम खेल्ने,दिनभरि सुत्ने,एक्लै बस्ने,नपढ्ने, फरक फरक स्वभाव देखाउने र अनुशासनहीन हुने यस्ता गेम खेल्ने वालवालिकाहरुमा देखिएको छ । भोलि ठूलो संख्यामा मानसिक रोगीहरु देखिने अवस्था आएको छ ।
छोराछोरीहरुको त्यो स्वभाव देखेर धेरै आमा बुवाहरु मानसिक तनावमा छन् । बच्चाहरुलाई जागिर खाएर,ऋण काटेर,जग्गा बेचर शहरमा पठाएका छन् । यो अवस्थामा धेरै आमाहरु तनावमा छन् । कतिपयले फोन गरेर अनलाइन गेम बन्द गरिदिनुस् हामीले नारा जुलुस गर्नु परे हामी गर्छौ भन्छन् ।
यस्तै अवस्था रहे अस्पतालमा मानसिक डाक्टरको अभाव हुन्छ । दुर्गममा डाक्टर नहुँने ठाँउमा मानसिक रोगीको लस्कर लागे के होला । हामी अगाडि मात्रै नहेरौ, पछि पनि हेरौं ।
गाँउ घरमा त वच्चा बाहिर खेल्छ । शारिरीक रुपमा उ सवल छ । तर शहरको बच्चा कोठाबाट निस्किन पाउदैन । अझ आजकल कोरोनाले बच्चा बाहिर निस्कन पाएको हुँदैन । शारिरीकसँगै मानसिक रुपमा शहरका बालबालिकाहरु दुर्वल छन् ।
अहिलेका सानो सानो बोलि नफुटेका बच्चा मोवाइल नभई खाना खादैन । मोवाइल नभई घर बस्न मान्दैनन् । आमाको पछि लाग्छन् । अमेरिकालगायतका देशमा वाच्चालाई टेलिभिजनको अगाडि असर पर्छ भनेर राख्दैनन् । हाम्रो जस्तो सिटामोल पाइएन भनेर दुःख मान्नु पर्ने देशका नागरिकले पढ्नका लागि ऋण काटेर किनेको मोवाइलमा अनलाइन गेम खेलेर बच्चाहरु अधिकाशं मानसिक रोगी भए भने के गर्ने ?
सासंद विक बझाङबाट प्रतिनिधि सभामा प्रनिनिधित्व गर्छिन । उनी निर्वमान वनराज्य मन्त्री समेत हुन् ।

प्रतिक्रिया दिनुहोस्