Logo

तीन किलो चाँदीको गहनासहित दुई भारतीय नागरिक पक्राउ


१० फागुन ०७८, सिरहा । सशस्त्र प्रहरीको विशेष टोलीले सिरहाको लहानबाट नगद र तीन किलोग्राम चाँदीको गहनासहित दुई जना भारतीय नागरिकलाई पक्राउ गरेको छ ।
सशस्त्र प्रहरीको छिन्नमस्ता वाहिनी मुख्यालय बर्दिवास र नम्बर ७ गण हेड क्वाटर सिरहाबाट खटिएको विशेष टोलीले लहान नगरपालिका ७ दुर्गामन्दिरबाट भारतको विहार मधवनी थाना राजनगर १२ का ३८ वर्षीय रञ्जित राय र उनको काका ६१ वर्षीय लखन रायको साथबाट ३ किलोग्राम ५२ ग्राम चाँदीको तयारी गहना र नगद २० हजार भारतीय रुपैयाँ, ५ सय १० नेपाली रुपैयाँसहित पक्राउ गरेको हो ।
बरामद गहनासहित दुवै जनालाई आवश्यक कारबाहीको लागि जिल्ला भन्सार कार्यालय माडरमा बुझाएको नम्बर ७ गण हेड क्वाटर सिराहाका सूचना अधिकारी डिएसपी विनोद थापाले जानकारी दिए ।
उनीहरू सप्तरीको नाका हुँदै दहान बजारमा गहना लिएर आइरहेको भन्ने विशेष सूचनाको आधारमा प्रहरीले पक्राउ गरेको जनाएको छ ।

प्रतिक्रिया दिनुहोस्