Logo

विवादकाबीच संसद बैठक बस्दै, एमसीसी सम्झौताको विषयमा छलफल हुने


१५ फागुन ०७८,काठमाडौं । आज प्रतिनिधिसभाको बैठक बस्दै छ । दिउँसो १ बजे बोलाइएको आजको बैठकमा अमेरिकी सहयोग परियोजना (एमसीसी) सम्झौतामाथि छलफल हुने भएको छ ।
सभामुख अग्निप्रसाद सापकोटाले प्रतिनिधिसभा कार्यव्यवस्था परामर्श समितिको बैठक आह्वान गरेका छन् । बैठक आज बिहान साढे ११ बजे बस्ने गरी बैठक बोलाइएको हो । एमसीसीबारे छलफल गर्न दलहरुको आन्तरिक तथा दुईपक्षीय छलफल पनि भइरहेका छन् ।
शनिबार संसद् सचिवालयले सार्वजनिक गरेको बैठकको सम्भावित कार्यसूचीमा ‘एमसीसीमाथि सामान्य छलफल गरियोस्’ भन्ने प्रस्ताव पेस हुने उल्लेख गरिएको छ ।
गतआइतबारको प्रतिनिधिसभा बैठकमा एमसीसी सम्झौता टेबल गरिएको थियो । दलहरुको विवादका कारण यसअघि दुईपटक सूचना टाँस गरेर स्थगित थियो ।

 

प्रतिक्रिया दिनुहोस्