Logo

दक्षिण ललितपुर शंखुकी ९ वर्षीया बालिका बलात्कृत

साँकेतिक तस्विर : इन्टरनेट

१९ फागुन ०७८,शंखु । ललितपुर शंखुकी ९ वर्षीया बालिका बलात्कृत भएकी छन् । महानगरिय प्रहरी परिसर जावलाखेलका प्रहरी उपरिक्षक तथा प्रवक्ता शद्दी विक्रम शाहका अनुसार बालिकालाई बलात्कार गरेको आरोपमा कोञ्ज्योसोम गाउँपालिका २ शंखु बस्ने २८ वर्षीय सन्तमान थोकरलाई बुधबार बिहान प्रहरीले पक्राउ गरेको हो ।
चैघरेस्थित प्रहरी चौकीले पक्राउ गरी थोकरलाई महानगरिय प्रहरी बृत्त चापागाउमा थुनामा राखिएको छ । ५ दिनको म्याद थप गरेर घटनाका सम्बन्धमा प्रहरीले अनुसन्धान गरिरहेको शाहले ललितपुर खबरलाई जानकारी दिए ।
प्रहरीले पिडित वालिकाको नाम भने गोप्य राखेको छ ।
साथै झापामा १५ वर्षीया किशोरी बलात्कृत भएकी छन् । किशोरीलाई बलात्कार गरेको आरोपमा भद्रपुर नगरपालिका–४ करेला चोक बस्ने १९ वर्षीय रमेश लिम्बुलाई बिहीबार बिहान प्रहरीले पक्राउ गरेको छ ।
लिम्बुले ती किशोरीलाई बलात्कार गरेको भन्ने खबर प्राप्त हुनासाथ वडा प्रहरी कार्यालय भद्रपुरबाट खटिएको प्रहरीले उनलाई पक्राउ गरेको हो ।
घटनाहरुका सम्बन्धमा प्रहरीले आवश्यक अनुसन्धान गरिरहेको छ ।

प्रतिक्रिया दिनुहोस्