Logo

चन्द्रागिरीमा महिलालाई बाड्न लागिएको ११० थान साडी प्रहरीद्वारा बरामद


१० वैशाख ०७८, चन्द्रागिरी । प्रहरीले निर्वाचन आचारसंहिता विपरीत काठमाडौँको चन्द्रागिरि नगरपालिकाबाट महिलालाई वितरण गर्न लागिएको ११० थान साडी आज बरामद गरेको छ ।
प्रहरी वृत्त थानकोट र प्रहरी प्रभाग बलम्बुबाट खटिएको टोलीले साडी बरामद गरेको जिल्ला प्रहरी परिसर काठमाडौँका प्रवक्ता प्रहरी उपरीक्षक दिनेशराज मैनालीले जानकारी दिएका छन् । उक्त नगरपालिकास्थित निर्वाचन अधिकृतको कार्यालयबाट आचारसंहिता विपरीत स्थानीय महिलालाई साडी वितरण गर्न लागिएको भन्ने सूचना आएपछि प्रहरी टोलीले साडी बरामद गरेको जनाइएको छ ।
उक्त साडी चन्द्रागिरि नगरपालिका ८ को वडा कार्यालयको भवनबाट स्थानीय महिला समूहलाई वितरण गर्न तयारी अवस्थामा राखिएको फेला परेको थियो । चन्द्रागिरि नगरपालिका८ का अध्यक्ष सन्तोष खड्काले शुक्रबार एक सूचनामार्फत महिलाहरुबाट साडी पाऊँ भनी निवेदन परेकाले सोही आधारमा साडी बुझिलिन आज आउन भनी आग्रह गरेका थिए । उक्त कार्यक्रम निर्वाचन आचारसंहिता विपरीत हो ।

 

प्रतिक्रिया दिनुहोस्