Logo

कपनमा तारपिन तेल खन्याएर आगो लगाई श्रीमतीको हत्या

१२ वैशाख ०७९, काठमाडौं ।  काठमाडौंको कपनमा श्रीमानले श्रीमतीको हत्या गरेका छन् ।  गएराति बुढानिलकण्ठ नगरपालिका–१० कपनस्थित आकाशे धारा नजिक डेरामा बस्ने सिरहा लाहान नगरपालिका–७ घर भएका ४२ वर्षीय प्रवीण चौधरीले आफ्नै श्रीमती ३० वर्षीया अस्मिता चौधरीको हत्या गरेका हुन् ।

अस्मिता सुतिरहेको अवस्थामा शरिरमा तारपिन तेल खन्याएर प्रविनले आगो लगाएको प्रहरीको प्रारम्भिक अनुसन्धानबाट थाहा भएको छ ।

स्थानीयले घाइते अवस्थामा फेला पारेर अस्मितालाई उपचारको लागि शुष्मा मेमोरियल अस्पताल साँखुमा लगेका थिए । उपचारको क्रममा उनको मृत्यु भएको छ ।  जिल्ला प्रहरी परिसर काठमाडौंले प्रवीणलाई पक्राउ गरेको छ ।

प्रतिक्रिया दिनुहोस्