Logo

वडाध्यक्षका उम्मेदवार भन्छन्, ‘जिते भने वडामा सित्तैमा फोटोकपी गर्दिछु’


१७ वैशाख ०७८, चापागाँउ । ललितपुर गोदावरी नगरपालिकाको  वडा नम्बर १० का दावेदार प्रकास केसीले आफूले निर्वाचनमा विजयी भएको खण्डमा वडामा फोटोकपी र प्रिन्ट सित्तैमा गर्ने व्यवस्था मिलाउने बताएका छन् ।
खेलकुद पृष्ठभूमिबाट आएका केसी पछिल्लो समय समाजसेवामा सक्रिय रहेका छन् । उनले वडा कार्यालयमा होस् या नगर कार्यालयमा जाँदा भोग्नुपरेको समस्यालाई दृष्टिगत गर्दै वडावासिको हितमा हुने काममा तल्लिन हुने प्रतिवद्धता जनाए ।
वडा कार्यालयमा सेवाग्राहीलाई साना साना समस्या पर्ने गरेको बताउदै केसीले फटोकपी र प्रिन्ट सेवा दिन चाहेको बताए । भने,‘धेरै बजेट पनि चाहिन्न, एउटा कम्प्युटर, प्रिन्टर र फोटोकपी मेसीन राखेर निशुल्क सेवा दिन सकिन्छ ।’
ब्यवसायी समेत रहेका केसीले धार्मीक पर्यटनका लागि भागावन डाँडामा हनुमानको मुर्ति र अन्र्तराष्ट्रिय रंगशालाबाट वडाले कर लिने व्यस्था गरेर आर्थिक उन्नतीतर्फ लाग्न सकिने बताए ।
वडामा न्यौपानेगाउँ सल्यान, खसीमारको बाटो, प्याङगाउँ, बोहोराटार हुँदै विष्टगाउँ, घ्याम्पेडाँडा, टौखेल सडक , बोहोराटार झरुवाराशी सडकको स्तरोन्नती आफ्नो विकाशको एजेण्डा रहेको उनको भनाई छ ।

प्रतिक्रिया दिनुहोस्