Logo

ललितपुरको माहाँकाल अध्यक्षमा काँग्रेस माओवादी दुवैको उम्मेदवारी परेपछि गठबन्धन अप्ठ्यारोमा


१७ वैशाख ०७८, ललितपुर । दक्षिण ललितपुरको माहाँकाल गाँउपालिकामा काँग्रेस माओवादी दुवैले दिएको उम्मेदवारी कायम भएपछि गठबन्धन अप्ठ्यारोमा परेको छ ।
गठबन्धनको सहमती अनुसार नेपाली काँग्रेसका गणेश केसीले उम्मेदवारी दिए पनि वडामा सहमती नभएपछि माओवादी केन्द्रका भगिरथ तिमल्सिनाले समेत उम्मेदवारी दिएका थिए ।
निर्वाचन आयोगले शुक्रबार ५ बजेसम्म उम्मेदवारी दिने समयसिमाभित्र तिमल्सिनाले उम्मेदवारी फिर्ता नगरेपछि गठबन्धनभित्रको विवाद झन् पेचिलो बनेको हो ।
उम्मेदवारी कायम भएपछि नेपाली काँग्रेस र नेकपा माओवादी केन्द्रबीचको सहमती विधिवत रुपमा भंग भएको छ ।
गठबन्धनभित्र नेकपा समाजवादीलाई बाहिर राखेर नेपाली काँग्रेस र माओवादीबीच भागबण्डा गर्ने गतवैशाख १० गते सहमती भएको थियो ।
त्यसबेला गठबन्धनमा सहमती नभएपछि नेकपा समाजबादी एक्लै निर्वाचनमा होमिने निर्णय गर्दै छुट्टै उम्मेदवार उठाएको थियो ।
ललितपुरका कतिपय वडामा सहमती विपरित नेपाली काँग्रेसले उम्मेदवारी दिएपछि माहाकालको उम्मेदवारी फिर्ता नभएको माओवादी केन्द्रका एक नेताले बताए ।
नेपाली काँग्रेसको तर्फबाट महाँकाल गाँउपालिकाको वडा नं. १ र २ मा आफूहरुलाई गठबन्धनको तर्फबाट उम्मेदवारी दिन नमानेपछि उम्मेदवारी फिर्ता नगरेको तिमल्सिनाले बताए ।
तिमल्सिनाले पार्टी बचाउनका लागि आफूले उम्मेदवारी फिर्ता नलिएको बताए । उनले भने, ‘नेपाली काँग्रेसले सहमती भएको वडाहरुमा समेत उम्मेदवारी दिएको छ । त्यसैले मैल ेउम्मेदवारी फिर्ता लिइन’
नेकपा माओवादीका जिल्ला अध्यक्ष हरि दाहाल ललितले नेपाली काँग्रेसले वडाको उम्मेदवारी फिर्ता नगरेको कारण माहाँकालमा तिमल्सिनाको उम्मेदवारी कायम भएको बताए ।
कोञ्ज्योसोम र वागमतीका वडाहरुमा सहमती भएको तर माहाँकाल, गोदावरी, माहालक्ष्मी र महानगरमा वडाहरुमा नेपाली काँग्रेसले नछोडेपछि विवाद श्रृजना भएको उनले बताए ।
तर नेपाली काँग्रेसका जिल्ला सभापति जितेन्द्रकुमार श्रेष्ठले माहाँकाल गाँउपालिका भित्र वडाहरुमा स्वस्थ्य प्रतिश्पर्धा गर्ने कुरा पहिलेदेखि नै सहमती रहेको बताए । महाँकालमा माओवादीको तर्फबाट अध्यक्षमा परेको उम्मेदवारीमा यस गाँउपालिकामा आफ्नो पार्टीलाई कुनै अप्ठ्यारो नपर्ने रिर्पोट प्राप्त भएको उनले बताए ।
सभापति श्रेष्ठले भने, ‘हामीहरुले इमानदारीका साथ सहमती पालना गरेका छौं । उहाँहरुले पालना गर्नु भएन ।’
उता वागमती गाँउपालिकाबाट नेपाली काँग्रेसकै तर्फबाट वडाध्यक्ष जितेका विष्णुले तिमल्सिनाले भने वागी उम्मेदवारी फिर्ता लिएका छन् । उम्मेदवारी फिर्ता लिएपछि सामाजिक सञ्जालमा लेखेका छन् । ‘एकताको सन्देश । स्थानीय निर्वाचनमा एक भएर जो प्रतिबद्धता ।’

प्रतिक्रिया दिनुहोस्