Logo

आइजिपी बढुवाविरुद्धको रिटमा सर्वोच्चद्वारा अन्तरिम आदेश दिन अस्वीकार

२२ वैशाख ०७९, काठमाडौं । प्रहरीको महानिरीक्षक (आइजिपी) बढुवाविरुद्ध दायर भएको मुद्दामा सर्वोच्च अदालतले अन्तरिम आदेश दिन अस्वीकार गरेको छ ।
न्यायाधीश सुष्मालता माथेमाको इजलासले महानिरीक्षकमा धिरजप्रताप सिंह नियुक्तिविरुद्ध परेको रिटमा अन्तरिम आदेश दिन अस्वीकार गरेको हो ।
अदालतले सरकारसँग लिखित जवाफ माग गरेको सर्वोच्चले जनाएको छ ।

मुद्दाको पूर्ण सुनुवाइ १७ जेठलाई तोकिएको छ । सरकारी पक्षले अहिले अन्तरिम आदेश दिए चुनावी सुरक्षामा असर पुग्ने जिकिर गरेको थियो । वरियताक्रम मिचेर सिंहलाई आईजीपीमा बढुवा गरिएको भन्दै पहिलो वरियताका एआईजी विश्वराज पोखरेलले अदालतमा रिट निवेदन दिएका थिए ।

प्रतिक्रिया दिनुहोस्