Logo

काकाकुल झैं बनेको सिद्धिपुरका लागि पानीको श्रोत खोज्दै रोशन


२३ वैशाख ०७९, ललितपुर । महालक्ष्मी नगरका ललितपुरका जनतालाई काकाकुल हुनबाट जोगाउने पानीको श्रोत पहिचान गर्नतर्फ आफूहरु लागेको नेकपा एमालेका वडा नं. ६ का उम्मेदवार रोशन महर्जनले बताएका छन् ।
नेपाल कम्युनिष्ट पार्टी (एमाले) महालक्ष्मी नगरपालिका नं ६ सिद्धिपुरका वडाध्यक्ष पदका उम्मेदवार रोशन महर्जनले भने, “महालक्ष्मीमा रहेको खानेपानी स्रोतको पहिचान गरी विगत तीन देखि चार वर्ष अघिझै घर घरमा दैनिक पानी आउने व्यवस्था मिलाउनेछु ।
मेलाम्ची खानेपानी नपुगेपछि पछिल्लो समय यहाँ खानेपानीको अभाव छ ।


पछिल्लो समय बेरोजगारीको समस्या बढ्दै गएकाले उद्यमी बजेटमार्फत वडावासीको हितमा विभिन्न काम गर्ने वडाध्यक्षका उम्मेदवार महर्जनको योजना छ ।
वडामा खोलिएका होटल तथा ठूला व्यापार व्यवसायमा कम्तिमा पनि ३० देखि ४० प्रतिशत स्थानीय जनतालाई रोजगार प्रदान गरी गाँस, बास र कपासको समेत व्यवस्था पहल गर्ने उनले बताए ।
वडामा रहेका सांस्कृतिक क्षेत्र लोप हुने अवस्थामा पुगेकोले बजेट व्यवस्था गरेर संरक्षण गर्ने, खेतियोग्य जमिन संरक्षण गर्ने, खेतीलाई व्यवसायमुखी बनाउन पानी, औजार, मल र बीउ वडाले नै किसानलाई प्रदान गरी प्रोत्साहन समेत गर्ने उनको योजना छ ।
सोसँगै वडामा रहेका वृद्धहरुको पहिचान गरी सुचि बनाएर वृद्ध भत्ता भने घर घरमै पु¥याइने व्यवस्था मिलाइने महर्जनले घोषणा गरेका छन् ।

प्रतिक्रिया दिनुहोस्