Logo

मध्यपुर ठिमीबाट ११ लाखको गहना चोरेर फरार


१६ असार ०७९, भक्तपुर । मध्यपुर ठिमी नगरपालिका ३ गठ्ठाघर डेरा गरी बस्ने पाँचथर थाङवरक गाउँपालिका ४ घर भएका ३५ वर्षीय ज्ञान बहादुर दाहालको कोठाबाट करिब ११ लाख रुपैयाँ बराबरको विभिन्न सुनका गहना बुधबार राति चोरी भएको छ ।
उनको कोठामा कोही नभएको अवस्थामा ढोकाको ताला फोडी दराजबाट सुनका विभिन्न गहना चोरी गरेको प्रहरीले पिडितलाई उदृत गर्दै जानकारी दिएको छ । चोरीको सूचनापछि प्रहरी वृत्त ठिमीबाट खटिएको प्रहरीले चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको बताएको छ ।

प्रतिक्रिया दिनुहोस्