Logo

धरान उपमहानगरका मेयर हर्क साम्पाङको अगुवाइमा खानेपानीका लागि सयौँ स्थानीयवासीद्वारा श्रमदान


१९ असार ०७९, धरान । उपमहानगरपालिकाका प्रमुख हर्क साम्पाङको अगुवाइमा धरान २० स्थित पकुवाखोलामा खानेपानीका लागि सयौँ स्थानीयवासीले श्रमदान गरेका छन् ।
पूर्वनिर्धारित योजनाअनुसार हरेक शनिबार एक दिन सो खोलामा पुगेर खानेपानीको मुहानमा ढुङ्गा बोक्ने र ‘इन्टेक ’बनाउने काममा उनीहरु खटिएका हुन् ।
शनिबार सोही क्षेत्रमा वृक्षरोपण पनि गरिएको छ । पकुवाखोला क्षेत्रमा करिब २ सय ५० विभिन्न जातका फलफूल र बाँसलगायतका बिरुवा रोपिएको छ ।
पछिल्लो समय धरानमा खानेपानीको समस्या हुँदै आएको छ । खानेपानी अभाव टार्न नगरप्रमुख साम्पाङले खानेपानीको स्रोत खोजी गर्न उच्च प्राथमिकता दिएका छन् ।
पकुवाखोलाको पानी उपयोग गर्न यसको सङ्कलनका लागि ‘इन्टेक’ बनाउने काम भइरहेको उनले जानकारी दिए । विशेष गरी खानेपानीको मुद्दा उठान गरी स्वातन्त्रबाट मेयरमा निर्वाचित भएपछि उनले खानेपानी व्यवस्थापनका लागि ध्यान दिइएका छन् ।

 

प्रतिक्रिया दिनुहोस्