Logo

बलात्कार मुद्दामा हदम्यादः ३ वर्षसम्म उजुरी गर्न सकिने

२४ असार ०७९, काठमाडौं ।  संसदीय समितिले बलात्कार मुद्दाको हद म्याद बढाउने निर्णय गरेको छ । प्रतिनिधिसभाअन्तर्गतको कानून न्याय तथा मानवअधिकार समितिमा यौन हिंसाविरुद्धका केही ऐन संशोधन गर्न बनेको विधेयकमाथि छलफलपछि शुक्रबार बालिगको हकमा एक वर्ष बढाएर दुई वर्षको हदम्याद राख्ने निर्णय गरेको छ ।

यस्तै नाबालिकको हकमा १८ वर्ष पुगेपछि तीन वर्षभित्र उजुरी दिइसक्नुपर्ने निर्णय भएको समिति सभापति कृष्णभक्त पोखरेलले जानकारी दिए ।

प्रचलित कानूनअनुसार एक वर्षभित्र उजुरी दिइसक्नुपर्ने प्रावधानलाई एक वर्ष वृद्धि गरेर बालिकको हकमा दुई वर्षभित्र उजुरी दिनुपर्ने व्यवस्था समितिले गरेको हो ।साथै थुनामा रहेको वा अपहरणमा रहेको अवस्थामा थुनामुक्त भएपछि तीन महिना नाघेको तीन वर्षभित्र उजुरी गरिसक्नुपर्ने हदम्याद राख्ने निर्णय गरेको छ ।

प्रतिक्रिया दिनुहोस्