Logo

काठमाडौंको धुम्बारहीमा एकै दिन दुई ठाँउमा चोरी


३ साउन ०७९, काठमाडौं । काठमाडौंको धुमबाराहीमा एकै दिन दुई ठाँउमा चोरी भएको छ ।
प्रहरीका अनुसार काठमाडौं महानगरपालिका ४ धुम्बाराही प्रगती टोल बस्ने प्रदिप धमलाको घरबाट कोही नभएको अवस्थामा ढोका फोडी नगद २ लाख रूपैयाँ, सुन चाँदीका विभिन्न गरगहना समेत गरी करिब ५ लाख २५ हजार रूपैयाँ बराबरको धनमाल आइतबार दिउँसो चोरी भएको छ ।
यसैगरी काठमाडौं महानगरपालिका ४ धुम्बाराही डेरा गरी बस्ने ७४ वर्षीय हरिराज शर्माको कोठामा कोही नभएको अवस्थामा ताल्चा फुटाई नगद ३० हजार रूपैयाँ तथा सुनचाँदीको विभिन्न गरगहना समेत गरी करिब ७ लाख ९४ हजार रूपैयाँ बराबरको धनमाल दिउँसो चोरी भएको छ । घटनाहरुका सम्बन्धमा प्रहरीले अनुसन्धान गरिरहेको जानकारी दिएको छ ।

प्रतिक्रिया दिनुहोस्