Logo

वागमतीमा करार कर्मचारी पुर्नवाहली माग गर्दै संरक्षण समितीले बुझायो ज्ञापनपत्र

आश्राङ स्वास्थ्य चौकीमा १३ बर्षदेखि कार्यरत तालिमप्राप्त बर्थिङ अनमी विमला कार्की र बुझाइएको ज्ञापन पत्र र अध्यक्ष लोप्चन ।

६ साउन ०७९, ललितपुर । दक्षिण ललितपुरको वागमती गाँउपालिकाले ११ जना करारका कर्मचारी बर्खास्त गरेपछि कर्मचारीले वागमती गाँउपालिकाका अध्यक्ष विरबहादुर लोप्चनलाई ज्ञापनपत्र बुझाएका छन् ।
वागमती करार कर्मचारी हकहित संरक्षण समितीले बुझाएको ज्ञापनपत्रमा विना प्रकृया कर्मचारी बर्खास्त गरेको भन्दै पुर्नवहालीको माग गरिएको छ । ज्ञापन पत्रमा अध्यक्ष विमला सञ्जेल र सचिव सरस्वती तिमल्सिना,रिता दुलाल,रामजी घिमिरे,मदन थापा, विनोद थापामगर, पुजा शर्मा, पदम मार्पा, प्रतिक घिसिङ्ग लक्ष्मण तिमल्सिना,युवराज घलेको मान उल्येख छ ।
संरक्षण समितीकी अध्यक्ष विमला कार्कीले अध्यक्ष लोप्चनले स्थानीयको माग आएको खण्डमा आफूले आश्राङ्ग हेल्प पोष्टमा कार्यरत आफूलाई पुर्नवहाली गर्ने आश्वासन दिएको बताइन् । अध्यक्ष लोप्चनले लोकसेवा पास गरेर स्थायी नियुक्ती लिन समेत आफूलाई सुझाएको बताइन् ।
सञ्जेलका अनुसार अन्यथा अस्पताल एक जना कर्मचारीले चल्ने भन्दै आफूले पुर्नवहाली नगर्ने बताएका थिए ।
लेप्चनले ललितपुर खबरसँग आफुले कर्मचारी पुर्नबहाली नगर्ने बताए । उनले थाङ्सिङटारमा आफ्नै छोरा सूर्यकिरण लामा डाक्टर भएकाले करार नियुक्त गरेको र अरु डाक्टर आएर काम गरेको खण्डमा उनको समेत करार रद्द गर्ते बताए ।
ज्ञापन पत्रमा २०६५ सालदेखि एस विए तालिमप्राप्त जनशक्तिा बर्थिङ सेन्टरमा कार्यरत रहेको नेपाल सरकारको संघ सशर्त स्वास्थ्यतगायत बर्थिङ्ग सेन्टर सञ्चालनका लागि गतबर्ष झैं यस आर्थिक बर्षमा तलव भत्ता पठाएको र वागमती गाँउपालिकाको आन्तरिक श्रोतबाट तलव भक्ता खुवाउन नपरेको भएतापनि नियोजित ढंगबाट विना प्रकृया स्वास्थ्यलगायत ११ जना करार कर्मचारीहरुलाई लक्षित गरि सेवाबाट हटाएको उल्येख गरिएको छ ।
विज्ञप्तीमा उल्येख गरिए अनुसार गत साउन १ गते ५ बजे टेलिफोन मार्फत सेवाबाट बर्खास्त गरिएको जानकारी दिइएको थियो । बर्खास्तीपछि मार्त शिशु सुरक्षा कार्यक्रममा गम्भिर असर पर्ने तथा वाल मृत्युदरमा प्रत्यक्ष असर पर्ने भएकाले अति संवेदनशील क्षेत्रमा रहेका तालिमप्राप्त दक्ष कर्मचारीहरुलाई तीन दिनभित्र करार पुनर्बहाली गर्न माग गरिएको छ ।

 

प्रतिक्रिया दिनुहोस्