Logo

ऐतिहासिक राणाकालीन भवनहरु भत्केपछि अलपत्र (तस्विरहरु)

त्रिचन्द्र कलेज ।

७ साउन ०७९, काठमाडौं । भुकम्प गएको ७ वर्ष पुरा भयो तर राजधानीमा रहेका राणाकालीन ऐतिहासिक भवनहरु सरकारको बेवास्ताका कारण अझै जीर्ण छन् । बैकल्पको अभावमा कतिपय कार्यालयहरु यिनै जोखिमपूर्ण भवनमै समेत सञ्चालनमा छन् ।
२००७ सालअघि राणापरिवारको अधिनमा रहेका यी भवन पछिल्ला समय सरकारी कामकाजका अड्डाका रुपमा प्रयोगमा थिए । केही भवन पुर्ननिर्माण र रेक्ट्रिोफिटिङ गरिए पनि धेरै भवन लथालिङ अवस्थामा छोडिएको छ ।

पुल्चोकस्थित केही बर्षअघि मानव अधिकार आयोग रहेको भवनको प्रवेशद्वार ।

यी भवन बनाउदा बज्र प्रयोग गरिएको थियो । जंगबहादुर बेलायत भ्रमण गरेर फर्केपछि सुर्की(इटाको धुलो, चुन) प्रयोग गरेर सिमेन्टको विकल्पको रुपमा प्रयोग गरे । बज्र बनाउदा दाल ध्यु र चाकुको समेत प्रयोग गर्ने गरिएको बताइन्छ ।
पछिल्ला समय यी एतिहासिक भवन पुरानै ढाँचाबाट पुर्ननिर्माण गरिनु पर्ने आवाज उठिरहेको छ । रानी पोखरीको त्रिचन्द्र कलेज छिटने पुर्ननिर्माण गर्न दवाव दिदै विद्यार्थीहरु आन्दोलित समेत भए ।

वागदरवारको भत्केको भवन र कागजपत्र ।

राणाकालीन भवन पुर्ननिर्माणका लागि केही भवन टेण्टर समेत भएर रोकिएको छ । आधुनिक सिमेन्ट र डण्डी प्रयोग गर्ने बाहानामा केही सम्पदाका रंग र रुप विगारिएको भन्दै विरोधको आवाज सुनिएको छ । यस्ता ऐतिहासिक सम्पदा जस्ताको तस्तै आउँदो पुस्तालाई हस्तान्तरण गर्न सके हाम्रो पुस्तालाई इतिहासले सम्झनेछ । नत्र धिक्कार्नेेछ ।

लेन्स : न्युज एजेन्सी नेपाल

काठमाडौं महानगरको वागदरवार ।
पुल्चोक क्याम्पसपरिसरमा रहेको भग्नावशेष ।
पुल्चोकस्थित जीर्ण भवनले बनाएको भवन अधिकार आयोगको अस्तव्यीत प्रतिक चिन्ह ।
सिंहदरवार दक्षिण ढोकाअगाडि रहेको फैसला कार्यान्वयनको भवन ।
पुल्चोकस्थित स्थानीय विकास मन्त्रालयको पुरानो भवन भुकम्पले चर्केपछि ।
डिल्लीबजारस्थित जेलको भवन ।
थापाथलीस्थित खाद्य संस्थानले प्रयोग गरिरहेको भवन ।
काठमाडौं महानगरको पुरानो भवनको जीर्ण झ्यालबाट देखिएको काम गर्दै गरेका कर्मचारी ।
पुल्चोकस्थित स्थानीय विकाश मन्त्रालयको पुरानो भवन ।
सिंहदरवारस्थित पुरानो संसद भवन ।

 

प्रतिक्रिया दिनुहोस्