Logo

ललितपुरको ठेचोमा आजबाट बाह्र वर्षे जात्रा सुरु


१० साउन ०७९, चापागाँउ । ललितपुरको ठेचोमा आज गथामुग चह्रेका दिनबाट नवदुर्गा भवानीको बाह्र बर्षे जात्रा सुरु हुँदैछ ।
हरेक बाह्र बर्षेमा मनाइने जात्रा सुरु भएसँगै आजबाट ठेचोमा उल्हास छाउँदैछ । जात्रा चैत्रसम्म चल्नेछ ।
जात्रा सम्पन्न गर्न गोदावरी नगरपालिकाले ५० लाख सञ्चालन खर्च दिएको छ । गुठीले जात्राका लागि ७० लाखभन्दा धेरै खर्च हुने बताएको छ । अन्य जात्रा पर्व सञ्चालनका लागि गुठीले चन्दा उठाउने भएको छ ।
जत्रा अवधिभर २८ वटा पुजा हुनेछ । भने ६० वटा बली मात्रै ्चढाइन्छ । सुनाकोठी र ठेचोबासीका लागि जात्राको अवसरमा भोज खुवाइन्छ ।
जात्राको पुर्वसन्ध्यामा श्री नवदुर्गा भवानी देवि गुठीले एक सूचना प्रकाशित गरेर विभिन्न गतिविधिमा नगर्न अनुरोध गरेको छ ।
प्रकाशित सूचनामा नियम पालन नगरेको खण्डमा अनिष्ट भएमा आफूहरु जिम्मेवार नहुने जनाएको छ ।


जात्रा अवधिभर ठेचोमा खुट्टा झुण्डाएर बस्न नहुने, पटक पटक भोजभतेर,विवाह ब्रतबन्ध गर्न नहुने, अन्य ठाँउबाट आएका पाहुनालाई बास बस्न दिन नपाउने नियम बनाइएको छ ।
जात्रा चलिरहेको समयमा सिठी वा ताली बजाउन पाइदैन । घर वा मन्दिरमा भएको घण्ट बजाउनु हुँदैन भएको घण्टी समेर बाँधेर राख्न गुठीले सूचित गरेको छ ।
घण्टाकर्ण चतुदर्शीदेखि धुस्ख नाच पुरा नभएसम्म गुठीको बजाबाहेक अन्य बाजा समेत बजाउन पाइदैन । जात्रा समापनपछि भने सबै बाजा बजाउन पाइन्छ ।

 

प्रतिक्रिया दिनुहोस्