Logo

अमेरिकी सहायक विदेशमन्त्री काठमाडौंमा

१२ साउन ०७९, काठमाडौं । संयुक्त राज्य अमेरिकाका सहायक विदेशमन्त्री डोनाल्ड लु काठमाडौं आएका छन् । उहाँ आज अपरान्ह नयाँदिल्ली हुँदै काठमाडौं अन्तर्राष्ट्रिय विमानस्थल आइपुग्नुभएको हो । भ्रमणका क्रममा उहाँले प्रधानमन्त्री शेरबहादुर देउवा र परराष्ट्रमन्त्री डा. नारायण खड्कासँग भेटवार्ता गर्ने कार्यक्रम रहेको छ ।

दक्षिण तथा मध्य एसियाली मामिला हेर्ने सहायकमन्त्री लुको भ्रमण नियमित रहेको अमेरिकी दूतावासले जनाएको छ ।

लु गत मंसिरमा नेपाल भ्रमणमा आएका थिए । नेपाल सरकारले अमेरिकी स्टेट पार्टनरसिप प्रोग्राम (एसपीपी)लाई अघि नबढाउने निर्णय गरेको एक महिनापछि लु नेपाल आएका हुन् ।  सरकारले असार ६ मा एसपीपीलाई अघि नबढाउने निर्णय गरेको थियो ।

प्रतिक्रिया दिनुहोस्