Logo

मादक पर्दाथ पिएका पुरुषले तीन जनामाथि एसिड प्रहार गरेपछि पक्राउ

साँकेतिक तस्विर : इन्टरनेट

३१ साउन ०७९, सल्यान । पैसा लेनदेनका विषयमा सल्यानमा ३ जनामाथि मादक पदार्थ सेवन गरेका रुक पुरुषले एसिड प्रहार भएको छ । प्रहरीका अनुसार ती आफ्नै नातेदारलाई एसिड प्रहार गरेको अभियोगमा दार्मा गाउँपालिका ३ चम्फुटाकुरा बस्ने ५० वर्षीय बेचे रावतलाई सोमबार साँझ प्रहरीले पक्राउ गरेको छ ।
रावतले मादक पदार्थ सेवन गरी लेनदेनको विषयलाई लिएर एसिड प्रहार गर्दा सोही ठाउँस्थित आफ्नै पसलमा बसिरहेका उनकै भाइ समेत ३ जना घाइते भएको भन्ने खबर प्राप्त हुनासाथ ईलाका प्रहरी कार्यालय दार्माबाट खटिएको प्रहरीले उनलाई अन्दाजी २२ लिटर एसिड सहित पक्राउ गरेको हो । तीनै जना घाइतेहरुलाई उपचारको लागि नेपालगंजतर्फ पठाइएको छ । एसिड प्रहारबाट घाइतेहरुको नाम भने प्रहरीले सार्वजनिक गरेको छैन ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।

प्रतिक्रिया दिनुहोस्