Logo

धरानका मेयर हर्ष साङ्गपाङ्गले भने, ‘काठमाडौंको फोहोर उठाउन नसक्नेले ठूलो कुरा नगरे हुन्छ’


३ भदौं ०७९, काठमाडौं । धरानका मेयर हर्ष साङ्गपाङ्गले राजधानी काठमाडौंको फोहोर उठाउन नसक्नेले ठूलो कुरा गर्न नहुने बताएका छन् । सामाजिक सञ्जालमा भिडियो राख्दै मेयर साङ्गपाङ्गले ठूलो कुरा नगर्न छोडेर फोहोर सोर्न आह्वान गरेका छन् ।
उनले काठमाडौंमा फोहोर नउठेको भन्दै आलोचना गरेका हुन् ।
उनले धरानमा कुनै गल्लीमा फोहोर देखे आफूलाई भन्न आग्रह गर्दै आफुले ५ मिनेटमा उठाई दिने बताएका छन् । उनले आफूले धरानमा फोहोर फ्याके जरिवाना तिराउने बताउदै जंगलको डम्पिङ्ग साइटमा फोहोर रहेको बताए ।
मेयर हर्ष साङ्गपाङ्गले काठमाडौंको फोहोर नउठेसम्म आफूले प्रहार गरिरहने बताएका छन् ।
सडकमा फोहोर रहेको अवस्थामा पर्यटक नआउने भन्दै उनले सत्य कुरा स्वीकार्न भनेका छन् । काम गर्न र फोहोरमा राजनीनि नगर्न उनको अनुरोध थियो ।
फेसबुकमा मुख बजाउनेहरुलाई युवा संघसंग मिलेर फोहोर सार्न उनको अनुरोध छ । धरानबाट सिक्न आग्रह गर्दै आफूले फोहोरबाट ग्यास र मल बनाउने बताएको छन् । उनले यो भिडियो विरोधिलाई पोष्ट गरेको बताउदै विरोधले केही नख्यास्ने उनको भनाई छ । उनले धरानबाट नभई काठमाडौंलाई चारैतिरबाट प्रहार गर्नु पर्ने धारणा राखेका छन् ।

 

प्रतिक्रिया दिनुहोस्