Logo

ललितपुर काँग्रेसको उम्मेदवार सिफारिसमै विवाद,सभापति श्रेष्ठले भने,‘पहिला अनुहार ऐनामा हेर्नुस्’


ललितपुर खबर
१७ भदौं ०७९, ललितपुर । नेपाली काँग्रेस ललितपुरको उम्मेदवारी सिफारिसमा विवाद श्रृजना भएको छ । ललितपुरको क्षेत्र नं. २ र ३ मा जुनियर नेताहरुले समेत सासंद लड्न आफू उम्मेदवार हुनु पर्ने दावी गरेर नाम सिफारिस गरेर पठाएपछि विवाद उत्पन्न भएको हो ।
ललितपुरमा विहीबार आयोजित एक कार्यक्रममा जिल्ला सभापति जितेन्द्र श्रेष्ठले सिफारिस भई आएका नेताहरुका विषयमा असन्तुष्टि व्यक्त गरे । उनले प्रदेश सासंदमा दावी गर्ने आफ्नो हैसियत पुगेको छ कि छैन भनेर एकपल्ट ऐनामा हेर्न आग्रह गरे । उनले भने,‘नेपाली काँग्रेसको क्रियाशिल सदस्यता दिएको २ वर्ष मात्रै भएका कार्यकर्ताको पनि संसदका लागि सिफारिस भएर आएको छ ।’ उनले पदको गरिमालाई बुझ्न आग्रह गर्दै आफैले बुझेर उम्मेदवारी फिर्ता लिएर सझिलोले बनाउन आग्रह गरे ।
उनका अनुसार ललितपुर क्षेत्र नं. १ मा सबैले मानेका नेताले मात्रै उम्मेदवारी दर्ता गरेका छन् । यहाँ उम्मेदवारी सिफरिस गर्दा एक अर्कामा हाद्र्धिकता थियो ।

श्रेष्ठले सबै नेताहरु एउटै मञ्मा उभिएर हामी एक छौं भनेर नभन्ने हो भने निर्वाचन जित्न नसकिने बताए । उनले प्रश्न गरे,‘हामी आफै त मिल्न सक्दैनौं भने गठबन्धनका दलहरुलाई कसरी मिलाएर लैजाने ?’
पछिल्लो समय ललितपुरको क्षेत्र नंं. २ र ३ धेरै नेता कार्यकर्ताहरुले आकाक्षा देखाउदा उम्मेदवार छान्न समस्या छ ।

नेपाली काँग्रेसको केही प्रदेश क्षेत्रले सिफारिसको पत्र बुझाएका छन् । भोलिसम्म सिफारिस दिन जिल्लाले मातहतका समितीहरुलाई आग्रह गरेको थियो ।
अहिले ललितपुरमा उदय शम्सेर गुट र मदन अमात्य गुट कायम छ । जिल्ला अधिवेशनको बेलामा प्रष्ट देखिएको यो गुट स्थानीय निर्वाचनमा झन् प्रखर रुपमा देखिएको थियो । पछिल्लो समय मदन अमात्य जिल्लाका भेला तथा कार्यक्रममा देखिदैनन् ।

यही असोज २३ गते प्रदेश तथा प्रतिनिधि सभा निर्वाचनका लागि उम्मेदवारी दर्ता हुँदैछ । पछिल्लो समय सबै पार्टीका नेताहरु उम्मेदवारीका सन्दर्भमा छलफलमा छन् ।

प्रतिक्रिया दिनुहोस्