Logo

ललितपुरको कर्मनाशा करिडोरमा अवरोधै अवरोध (तस्विरहरु)

ललितपुर खबर
२१ भदौ ०७९, ललितपुर । महालक्ष्मी नगरपालिकाले भर्खरै ललितपुरको ग्वार्को नजिकैबाट कर्मनाशा करिडोर विस्तारको क्रममा अवरोधहरु हटाउन सुरु गरेको छ ।
नगरपालिकाले होण्डो शोरुमको टहरा, अस्पतालको पर्खाल भत्काएको छ भने नजिकै रहेको धर्म शाक्यको घर भत्काउन थालिएको छ ।

किष्ट अस्पतालले मापण्ड मिचेर बनाएको जेनेरेटर हाउस । लेन्स : ललितपुर खबर

गतबैशाख अघिदेखि नै नदि छेउ पर्खाल लगाएसँगै सुरु भएको करिडोरको निर्माणमा धेरै काम बाँकी छन् ।
नदिछेउ ठाँउ ठाँउमा पर्खाल लगाउन बाँकी छ । कतिपय ठाँउमा खेत मासेर पर्खाल लगाउनु छ भने धेरै टहरा पर्खाल हटाउनु पर्नेछ ।

सडकछेउको खेत ।

करिडोरको ग्वार्को मुखम कवाडी,फ्रेस हाउसलगायतको टहरा हटाउनु पर्नेछ । करिडोर मिलेर किष्ट अस्पतालले बनाएको जेनेरेटर हाउस र टहरा हटाउन बाँकी छ ।
करिडोरको माथिल्लो भागमा रहेको लिटल एन्जल्सले दुवै तर्फ नदि किनार मिचेर बनाएको पर्खाल, टहरा र बारलगायत संरचना निर्माण गरेको छ । ती संरचना भन्काउन र पर्खाल र सडक बनाउन बाँकी नै छ । स्कूलले दुवैतिर धेरै संरचना बनाएको छ । भने बीचमा पुल समेत राखेर उपचोग गर्दै आएको छ ।


ललितपुरको हात्तीवनदेखि ग्वार्कोसम्म बग्ने कर्मनासा नदि किनारमा सडक बनाउने क्रममा अतिक्रमण गरिएको घर टहरा भत्काउन महालक्ष्मी नगरपालिकाका मेयर हरिगोविन्द श्रेष्ठ तल्लिन छन् ।
पछिल्लो समय मादण्ड मिचेका आकृति मासु पसल, होण्डा तथा हिरो कम्पनीको टहरा हटाइएको छ ।


खोलाको अर्को किनारमा पर्ने ललितपुर महानगरको वडा नंं १७ र १५ले भने सडक निर्माण गरेको छैन । ठाँउ ठाँउमा पर्खाल लगाएर सडक भने बनाइएको छ ।
नगरपालिकाले यो कोरिडोर १० मिटर निर्माण गर्न लागेको हो । नदिको बीच भागबाट १५ मिटर जमिन लिने गरि यो करिडोर निर्माण भइरहेको छ ।

नदि ठूलो भएको ठाँउमा बाटो साघुरो र नदि सानो भएको ठाँउमा बाटो फराकिलो हुने अवस्था छ ।
महालक्ष्मी १ का वडाध्यक्ष छिरिङ लामा लगायतको सहयोगमा यो सडक विस्तार हुन लागेको हो ।

लिटल एञ्जल्स स्कूलले बनाएको कर्मनाशा नदिमा बनाएको पुल ।
होण्डा कम्पनीले बनाएको पार्किडमा सडक विस्तार गरेपछि ।

 

प्रतिक्रिया दिनुहोस्