Logo

लगनखेलको मञ्जुश्री पेट्रोल पम्पमा महानगरको सिल(तस्बिरहरु)

ललितपुर खबर
२६ भदौं ०७९, लगनखेल ।  ललितपुर महानगरपालिकाले लगनखेलमा रहेको मञ्जुश्री पेट्रोल पम्पमा सिल गरेको छ । महानगरकै जग्गामा रहेको पेट्रोल पम्प लामो समयदेखि सञ्चालनमा रहेको थियो । तर एक वर्षदेखि सम्झौताको म्याद सकिएको महानगरले जनाएको छ ।

सो क्रममा महानगरका मेयर चिरिबाबु महर्जनसहितको टोली उपस्थित रहेको थियो । ललितपुरका नगर प्रहरी प्रमुख सिताराम हाछेथुले उक्त ठाउँमा पेट्रोलपम्प हुँदा सवारी साधनलाई समेत समस्या भएको गुनासो आएको बताए । पेट्रोल पम्प अति संवेदनशील भएकाले महानगरले सबै तयारी पुरा गरेर हटाएको उनले बताए। हाल तारजाली गरेर लाहा छाप लगाएर छोडेको छ।  सो क्रममा पाँच जनाको हस्ताक्षरसहित सर्जिमन गरिएको थियो । पेट्रोलपम्पको चारैतिर तारबार लगाएर बन्द गरिएको छ ।

प्रतिक्रिया दिनुहोस्