Logo

ललितपुर कोन्ज्योसोममा विप्लव नेकपाको १९ सदस्यीय कोन्ज्योसोम गाउँ कमिटी निर्वार्चित


२७ भदौं ०७९, ललितपुर । ललितपुर कोन्ज्योसोममा विप्लव नेतृत्वको नेकपाको नवौं भेला चन्द्र सेक्रेटरी रहने गरि १९ सदस्यीय कोन्ज्योसोम गाउँ कमिटी निर्वाचित भएको छ ।
भेलाबाट भेलालाई आफ्नो महत्वपूर्ण भनाइसहित नेवा मुक्ती मोर्चाका केन्द्रीय उपाध्यक्ष रत्न महर्जन, मजदुर नेता अनुप शर्मा र जिल्ला सदस्य मानबहादुर र कुलमानले निर्वाचित कमिटीको सफल कार्यकालको लागि बधाई तथा शुभकामना दिएका थिए ।
जिल्ला सेक्रेटरी ललितले प्रशिक्षण सहित प्यानल प्रस्ताव गरेका थिए । नव निर्वाचित कोन्ज्योसोम गाउँपालिका सेक्रेटरी चन्द्र स्याङ्तानको प्रतिबद्धता मन्तब्य सँगै भेला समापन गरिएको बताइएको छ।
नेपाल कम्युनिष्ट पार्टीको ९ औं राष्ट्रिय महाधिवेशनको पुर्वसन्ध्यामा ललितपुर जिल्लाको कोन्ज्योसोम गाउँ कमिटीको ९ औं भेलाले नयाँ नेतृत्व चुनेको हो ।
कार्यक्रममा समितिका संयोजक चन्द स्याङ्तान,पार्टी जिल्ला सेक्रेटरी ललित ललितपुर महानगर समिति सेक्रेटरी बज्र, महालक्ष्मी नगर सेक्रेटरी तथा नेवाः मुक्ति मोर्चा केन्द्रिय उपाध्यक्ष रत्न महर्जन , मजदुर संगठनका केन्द्रिय नेता अनुप , जिल्ला सदस्य कुलमान, मान बहादुर लगायतको सहभागिता थियो ।

प्रतिक्रिया दिनुहोस्