Logo

‘भ्रष्टाचारीको खेदो खनौं’


अर्थजङ शाही
आज हाम्रो देशमा महङ्गीले उग्र रुप लिएको छ । महँगीले पछिल्लो समय डरलाग्दो रुप धारण गरेको छ । महँगीकै कारण नेपाली जनतामा हाहाकारको स्थिति पैदा गर्दै छ । दिनानुदिन अत्यावश्यक समानको बजारमा मूल्य बढेकोे छ । महँगीले गर्दा हामीहरुले निकै सास्ती खेपिरहेका छौं ।
भ्रष्टाचारका कारण बजारमा महँगी बढेको हो । भ्रष्टाचारी नेपालमा एउटा सरुवा रोग जस्तै फैलिरहेको छ । राज्यका निकायहरु, निजी संस्था तथा सार्वजनिक संस्थाहरु, गैरसरकारी संस्थाहरुमा पनि भ्रष्टाचार छ ।
अहिले मुलुकमा भ्रष्टाचार गम्भीर चुनौतिको रुपमा बढ्दै गइरहेको छ । यसको सबैभन्दा ठूलो असर कमजोर वर्ग गरिब समुदायलाई परेको छ । भ्रष्टाचारकै कारण गरिब जनता झनै पीडित बन्दै गइरहेका छन् । भ्रष्टाचार कै कारण विकास निर्माणका काममा अवरोध हुदै गएको छ । यसै कारण मुलुकले निकास पाउन सकिरहेको छैन । भ्रष्टाचार न्यूनिकरण गर्न सानो तिनो प्रयासले मात्र नपुग्ने भएका कारण पनि सम्पूर्ण युवाहरु एकजुट भएर भ्रष्टाचारको विरुद्धमा उत्रिनुपर्ने जरुरी भएको छ ।
नेपालको अहिलेको परिवेशलाई हेर्दा लाजमर्दो छ । सरकारका कर्मचारीलगायत जिम्मेवार निकायहरू भ्रष्टाचारका लागि लुछाचुँडी छ । विडम्बना त यही हो नेपालमा । नेता धनी अनि देश गरिब छ ।

खुट्टामा चप्पल लगाउन पनि धौँ धौँ हुनेले आज घर घरमा गाडी राखेका छन् । हामीले एक एक रुपैयाँ दुख गरि कमाएको पैसामा कसैले भ्रष्टाचार गरेर मोजमस्तीमा हिड्छ भने युवाहरु अब हामी पछि हट्नु हुदैँन् ।
ठेकेदारी गरेको दुई महिना नबित्दै सहर बजारमा घर बनाएको देख्न सकिन्छ ।
तपाई हाम्रो गाउँघरमा करोडौँमा आएको बजेटलाई लाखौँमा काम गर्ने,अनि लाखौँमा आएको बजेटलाई हजारमा काम भईरहेको छ । यस कुराप्रति युवाहरुले ध्यान दिएर भष्टाचार रोक्नुपर्छ । बुलुन्द आवाजसहित जोसका साथ हामीले आफ्नो गाउँ, घर र टोलमा निरन्तर लागेपछि कसैले पनि भ्रष्टाचार गर्न सक्दैन ।
सरुवा रोग भन्दा खतरा तरिकाले फैलिएको छ हाम्रो देशमा भ्रष्टाचार । यसप्रति अन्य बर्ग मौन भएपनि हामी युवाहरुले मौन रहनु हुदैँन । गाउँघरमा विकासकै लागी आएको बजेटमा पनि जनप्रतिनिधीकै मिलोमतोमा भ्रष्टाचार हुदाँ हामी मौन रहेका छौँ ।
जनप्रतिनिधीहरुलाई तपाई हाम्रो एक मतले जिताएका हौँ । तर भ्रष्टाचार गर भनेर त हामीले नेताहरुलाई पक्कै पनि जिताएका होईनौँ होला । त्यसैले आम नागरिक भ्रष्टचार बिरुद्धमा उत्रिन जरुरी छ ।

प्रतिक्रिया दिनुहोस्