Logo

काठमाडाै‌काे कलंकी, टुकुचा, चन्द्रागिरिलगायत १० ठाँउमा स्वास्थ्य परीक्षण


११ असोज ०७९, काठमाडौं । दसैं नजिकएसँगै सरकारले राजधानीका कलंकी, टुकुचा, चन्द्रागिरि, चाल्नाखेल, बालाजु, टोखा, बल्खु, लोकन्थली, सल्लाघारी लगायत क्षेत्रमा स्वास्थ्य परीक्षण गर्दैछ ।
सरकारले खसीबोकाको स्वास्थ्य परीक्षण आजबाट सुरु गर्ने भएको हो ।
यी ठाँउमा पशुसेवा विभागले उपत्यकाका खसीबोकाको स्वास्थ्य परीक्षण गर्न लागेको हो । यो क्रम दसैंको नवमीसम्म जारी रहनेछ । त्यसका लागि ५० जना पशु चिकित्सकको टोली खटिदैछन् ।
पशुसेवा विभागका वरिष्ठ पशु विकास अधिकृत डा चन्द्र ढकालका अनुसार खसीबोकाको स्वास्थ्य परीक्षण गरेर स्वस्थकर खसीबोकाको सिङमा हरियो र अस्वस्थकरको सिङमा रातो रङको स्टिकर लगाइनेछ ।
यो वर्षको दसैंमा उपत्यकामा ६० हजार खसीबोका खपत हुने अनुमान गरिएको छ ।

प्रतिक्रिया दिनुहोस्