Logo

कोटेश्वर आसपास चङ्गा उडाए कडा कारवाही

फाइल तस्विर

१२ असोज ०७९, काठमाडौं । नेपाल नागरिक उड्डयन प्राधिकरणले कोटेश्वर आसपासको क्षेत्र तीनकुने, जडिबुटि, सिनामंगल,पेप्सीकोला, काँडाघारी लगायतको क्षेत्रमा चङ्गा उडाउन प्रतिवन्ध लगाएको छ ।
वायुयानको उडान तथा अवतरणको समयमा विमानस्थ्ल आसपास चङ्गा उडाउँदा उडान सुरक्षामा गम्भीर असर पर्ने भन्दै प्राधिकरणले चङ्गा उडाउन प्रतिवन्ध लगाएको हो ।
‘यस्तो कार्यबाट विमानको उडान सुरक्षामा गम्भीर असर पर्ने सक्ने भएको हुँदा यस किसिमको गतिविधि एवम् क्रियाकलाप नगर्न–नगराउन सम्बन्धित सबैमा अनुरोध गरिन्छ,’प्राधिकरणले सूचनाको प्रकाशित गरेर भनेको छ । अवज्ञा वा अटेर गरी चङ्गा उडाएमा प्रचलित कानुन अनुसार कारबाही गर्ने प्राधिकरणको चेतावनी दिएको छ ।

 

प्रतिक्रिया दिनुहोस्