Logo

ललितपुरमा स्वतन्त्र उम्मेदवार दिदै हरेक निर्वाचनमा हुन्छ खेल


ललितपुर खबर
२४ असोज ०७९, काठमाडौं । ललितपुरका ९ वटा क्षेत्रबाट आइतबार १ सय ३६ जनाले मंसिर ४ गते हुने प्रतिनिधि तथा प्रदेससभा निर्वाचनका लागि उम्मेदवारी दर्ता गराए ।
नेकपा माओवादी नेपाली काँग्रेसलगायतको गठबन्धन, नेकपा एमाले, राष्ट्रिय प्रजातन्त्र पार्टीलगायत अरु दुई चार वटा दल अस्तित्वमा छन् । केही स्वतन्त्रसहित दुई चार दर्जन उम्मेदवार हुनु पर्ने हो । तर दर्जनौंभन्दा धेरै स्वतन्त्र उम्मेदवारका कारण यो संख्यामा उम्मेदवारी परेको छ ।
यति धेरै स्वतन्त्र उम्मेदवार हुनुमा खास कारण छ । त्यो हो दलहरुले आफ्ना कार्याकर्तालाई स्वतन्त्र उम्मेदवार बनाएर पठाउनु ।

ललितपुरको क्षेत्र नं. १ गोदावरीको गोदामचौरदेखि ठूलादुर्लुङसम्मको भूगोलमा निर्वाचनका बेला उम्मेदवारले कार्यकर्ता परिचालन गर्न अप्ठ्यारो हुने हुँदा स्वतन्त्र उम्मेदवार उठाउने र उनीहरुलाई परिचालन गर्छन् । तीनै डमी उम्मेदवारले हरेक निर्वाचनमा खेल खेल्ने गरेका हुन् ।
ललितपुर क्षेत्र नं. १ बाट उम्मेदवारी दिन आएका एक कार्यकर्ताले निर्वाचनका गाडी नचल्ने र सवारीलगायत सुविधा पाइने भएकाले पार्टीको निर्देशनमा उम्मेदवारी दिएको बताए । उनले नाम नभन्ने शर्तमा भने, ‘लाग्ने खर्च सबै पार्टीले दिन्छ । म त उम्मेदवार नै मलाई भोट हाल्दिन ।’ निर्वाचनमा उम्मेदवारहरु पनि बुथमा पस्न पाउछन् । त्यसबेला अर्को पार्टीले कही कतै धाँदली गर्न लागेको अवस्थामा रोक्न यिनै डमी उम्मेदवार र उनका प्रतिनिधिहरु उपयोगी हुन्छन् ।
ललितपुरकी एक निर्वाचन अधिकृतले पनि अघिल्लो निर्वाचनमा केही उम्मेदवारहरुले एक भोट पनि नपाएको देखेर सुरुमा अचम्म लागेको बताइन् । उनले भनिन्, ‘अनि पो थाहा भो ठूला दलले यस्तो खेल खेल्ने रहेछन् ।’
निर्वाचन आयोगले प्रतिनिधि सभाका लागि उम्मेदवारी दर्ता गर्न रु १० हजार र प्रदेससभाका लागि रु ५ हाजार हुल्क तोकेको छ ।

 

प्रतिक्रिया दिनुहोस्