Logo

नेपालको विकासमा सहयोग गर्न गैरआवासीय नेपालीहरुलाई प्रधानमन्त्री देउवाको आह्वान

२५ असोज ०७९, काठमाडौं । प्रधानमन्त्री शेरबहादुर देउवाले नेपालमा पुँजी लगानी गरी नेपालको विकासमा सहयोग गर्न गैरआवासीय नेपालीहरुलाई आह्वान गरेका छन् ।

गैरआवासीय नेपाली संघको वार्षिक साधारण सभालाई सम्बोधन गर्दे उनले सहजरुपमा लगानी गर्नसक्ने र लगानीको प्रतिफल उपभोग गर्नसक्ने वातावरण बनाउने प्रतिबद्धता जनाएका हुन् ।  गैरआवासीय नेपालीले नेपालमा उत्पादित वस्तुको उपयोगलाई प्राथमिकता दिन र प्रवर्द्धनमा सहयोग पुर्‍याउन आवश्यक रहेको प्रधानमन्त्री देउवाको भनाइ छ ।

प्रधानमन्त्री देउवाले गैर आवासीय नेपालीहरुले विदेशमा आर्जन गरेको पुँजीलाई नेपालमा विभिन्न क्षेत्रमा लगानी गर्न आह्वान पनि गरे ।  प्रधानमन्त्री देउवाले निकट भविष्यमा नै गैर नागरिकता स्म्बन्धी ऐनलाई सरकारले संशोधन गर्ने प्रतिवद्धता जनाए ।

प्रधानमन्त्री देउवाले सरकारले गैर आवासीय नेपालीहरुको नेपाल आगमनमा सहजीकरणदेखि सम्पतीको सुरक्षित गर्ने सम्बन्धमा आवश्यक सहयोग उपलब्ध गराउँदै आएको उल्लेख गरे ।

प्रतिक्रिया दिनुहोस्