Logo

सुनचाँदीको मूल्य पनि लगातार घट्दै

४ कात्तिक ०७९, काठमाडौं । सुनचाँदीको मूल्य लगातार तेश्रो दिन पनि ओरालो लागेको छ । कार्तिक ४ गते, सुन तोलामा ६०० रुपैयाँले सस्तिएको छ । चाँदीको भाउ भने शुक्रबार स्थिर रहेको छ ।

यस दिन छापावाल सुन प्रतितोला ९२ हजार ५०० रुपैयाँमा झरेको नेपाल सुनचाँदी व्यवसायी महासंघले जनाएको छ । यसैगरी, तेजाबी सुन प्रतितोला ९२ हजार रुपैयाँमा कारोबार भइरहेको छ ।

बिहीबार पनि सुन तोलामा १०० रुपैयाँले घटेर प्रतितोला ९३ हजार १०० रुपैयाँमा खरिदबिक्री भएको थियो । यो साता सुनको भाउमा गिरावट भएको छ । एक सातामा सुन प्रतितोला एक हजार ६०० रुपैयाँले सस्तिएको छ । अघिल्लो शुक्रबार सुन प्रतितोला ९४ हजार १०० रुपैयाँमा सुन कारोबार भएको थियो । शुक्रबार चाँदीको भाउ स्थिर रहेको छ । यस दिन चाँदी प्रतितोला एक हजार १७० रुपैयाँ कायम रहेको छ ।

अघिल्लो कारोबार दिन, चाँदीको भाउ तोला पाँच रुपैयाँले घटेको थियो । चाँदीको मूल्य यो साता प्रतितोला १५ रुपैयाँले घटेको छ

प्रतिक्रिया दिनुहोस्