Logo

आजदेखि निर्वाचन प्रचार सुरु, यस्ता छन् नियम


१७ कात्तिक ०७९, काठमाडौं । मंसिर चार गते हुने प्रतिनिधि सभा र प्रदेश सभा निर्वाचनको लागि आजदेखि प्रचार दलहरुले प्रचारप्रसार गर्दैे छन् ।
निर्वाचन आयोगले बनाएको आचार संहितामा निर्वाचनको १७ दिनअघिबाट प्रसार प्रसार गर्न पाउने मापदण्ड अनुसार उनीहरुले प्रचार प्रसार गर्न पाउने भएका हुन् ।
उनीहरुले आगामी मंसिर १ गते राती १२ बजेसम्म निर्वाचन प्रचार प्रसार गर्न पाउछन् । त्यसको २८ घण्टा मौन अवधि सुरु हुन्छ त्यसबेला प्रचार प्रसार गर्न पाइदैन । मंसिर ४ गतेका दिन मनदान हुन्छ ।
प्रचार कार्यालय उद्घाटन पत्रकार सम्मेलन चियापान कार्यक्रमजस्ता स साना कार्यक्रमक र घरदैलो अभियान मात्रै गर्दै आएका उम्मेदवारहरुले आजदेखि मंसिर १ गतेसम्म आमसभा, जुलुस र कोणसभा गर्न सक्छन् । साथै उम्मेदवारहरुले निश्चित नियम पालना गरेर सञ्चार माध्यमहरुबाट समेत चुनाव प्रचार गर्न पाउँछन् ।
आम सभासहितको चुनाव प्रचार बिहान ८ बजेदेखि साँझ ५ बजेसम्म मात्र गर्न पाइन्छ ।
आमसभा गर्दा निर्वाचन कार्यालयको अनुमती लिनु पर्छ । निर्वाचन प्रचारका क्रममा जुलुसमा २५ जनासम्म सहभागी हुन पाउछन् भने १० वटासम्म झण्डा बोक्न पाउने आयोगले जानकारी दिएको छ ।

 

प्रतिक्रिया दिनुहोस्