Logo

झरुवाराशीमा पत्रकार दाहालको घर नजिकै आगो लगाएर भागेपछि…

प्रतिकात्मक तस्बिर

१७ कात्तिक ०७९, ललितपुर । ललितपुरको गोदावरी १३ झरुवाराशीस्थित पत्रकार सन्तोष दाहालको घर नजिक परालको कुन्युमा एक अज्ञात व्यक्तिले लगो लगाएर फरार भएका छन् ।
भैसीका लागि ल्याई राखेको परालको परालको कुन्युमा आगो देखेपछि छिमेकको सहयोगमा आगो नियन्त्रणमा लिदा सम्भावित दुर्घटनाबाट जोगिएको दाहालले बताए ।
उनले भने, ‘छिमेकीले भैसी बाहिर ल्याएछन् । सबैले पानी लगाएर आगो निभाउदा घर र गोठ जोगियो ।’
आगलागीपछि महानगरिय प्रहरी बृत्त चापागाँउबाट एक टोली पुगेर निरिक्षण गरि फर्केको छ ।
दाहाललाई प्रहरीले उजुरी दर्ता गर्न दिएको सल्लाह अनुसार उनी शुक्रबार उजुरी दिने बताए ।
गोदावरी नगरपालिकामा आगो लगाएर फरार हुने घटना यो पहिलो भने होइन । केही समयअघि झरुवाराशीमै यस्तै घटना घटेको थियो । गउको साल लेले र झरुवाराशीको च्याउ फाममा लागो लगाइदिदा लाखौंको च्याउ नष्ट भएको थियो ।

ललितपुरमा निरन्तर रुपमा यसरी आगो लगाएर फरार रहने धेरै घटना घटेको भए पनि प्रहरीले अहिलेसम्म कसैलाई पनि पक्राउ गरेर कानूनी दायरामा ल्याएको छैन ।

पत्रकार सन्तोष दाहाल प्रणामखबर डट कमका लागि लेख्छन् भने उनी नेकपा एमाले निकट प्रेस चौतारी ललितपुरका सहसचिव समेत हुन् । उनी ललितपुरका रुथानीय राजनीतिक र समसामयिक विषयमा लेखिरहेका हुन्छन् ।

प्रतिक्रिया दिनुहोस्