Logo

स्वच्छ बजारका लागि अनुगमनलाई नियमित गरिनेछ–उपप्रमुख सुनिता डंगोल

काठमाडौँ महानगरपालिका उपप्रमुखका उम्मेदवार सुनिता डङगोल । तस्बिर : चन्द्रकला क्षेत्री\रासस

२३ कात्तिक ०७९, काठमाडौं ।  पर्वलक्षित अनुगमनबाट प्राप्त उपलब्धीलाई संस्थागत गर्दै स्वच्छ बजारका लागि अनुगमनलाई नियमित गरिने काठमाडौं महानगरपालिकाकी उपप्रमुख सुनिता डंगोलको भनाई छ । आज बजार व्यवस्थापन तथा उपभोक्ता हित संरक्षण समितिको बैठकको अध्यक्षता गर्दै उपप्रमुख डंगोलले यस्तो बताएकी हुन् ।

उनले सामानको मूल्य, गुणस्तर र स्वच्छताप्रति उपभोक्ता र व्यवसायी आफैँमा पनि जागरुकता आएको र यो ठूलो उपलब्धी भएको उल्लेख गरेकी छन् । उपप्रमुख डंगोलले अनुचित व्यापारिक क्रियाकलाप रोक्नु र स्वच्छ बजारका लागि सचेतना वृद्धि गर्नु अनुगमनको मुख्य लक्ष्य भएको बताएकी छन् । बैठकमा प्रमुख प्रशासकीय अधिकृत बसन्त अधिकारीले औषधिजन्य बस्तुको मूल्य, उपभोग्य मिति, मिश्रण, विक्रेताको अनुमतिलगायतका विषयमा धेरै गुनासो रहेको बताउका थिए ।

प्रतिक्रिया दिनुहोस्