Logo

बुङ्गमतीको प्रबद्र्धनका लागि पत्रकारको भ्रमण


हिमरत्न तिमल्सिना
२४ कात्तिक ०७८, ललितपुर । ललितपुर ललितपुरको बुङ्गमतीमा युएनए ह्यविट्याटद्वारा पर्य सम्पदा परियोजनाको प्रगति र उपलब्धि बारे सञ्चारकर्मीलाई जानकारी गराइ बुङ्गमतीको प्रवर्द्धन एवं दिगो पर्यटनको उद्देश्यले मिडिया भिजिट कार्यक्रम सम्पन्न भएको छ । कार्यक्रममा युएन ह्यविट्याटका वरिष्ठ कार्यक्रम अधिकृत प्रविन बज्राचार्यले बुङ्गमतीको धार्मिक तथा ऐतिहासिक बुङ्गमतीको पुरानो वस्ती र सम्पदा संरक्षणमा युएन ह्यविट्याटले गरेका गतिविधि बारे प्रकाश पारेका थिए ।
बुङ्गमतीका मूर्त तथा अमूर्त सम्पदाको प्रचार प्रसारका लागि पनि मिडिया भिजिट कार्यक्रम सहयोगी सिद्ध हुने समेत उनले बताए । गत ७२ सालको महाभूकम्पले क्षति भएका पुराना सम्पदाको पुन निर्माण गरी यसलाई पुनर्जीवित गर्ने मुल उद्देश्यले सन २०१२ मा युरोपिएन युनियनको सहयोगमा स्वीस एसिया कार्यक्रम अन्र्तगत युएन ह्यविट्याट , ललितपुर महानगरपालिका , लुमन्ती , लगायतका संस्थाको सहकार्यमा संचालन गरिएको पर्य सम्पदा २०२२ मा सम्पन्न हुने उनले जानकारी दिए । पर्य सम्पदाको विकासका लागि बुङ्ग महोत्सव गरिदै आएको समेत उनले स्पष्ट पारे ।

 

पासा पुचा नेवारी खाजा घरकी संचालक विद्या तुलाधरले आफ्नै लगानीमा नेवारी खाजाको प्रर्बद्धन गर्न भिलेज क्याफे संचालन गरेको बताइन । बुङ्गमती घुम्न आउने पर्यटकलाइ नेवारी खाजा योमरी , बाराको स्वाद चखाउने गरेको समेत उनले बताइन् । बुङ्गमतीको परम्परागत काष्ठकलाको प्रवर्द्धन गर्न १८ वर्षदेखि युवा पुस्तालाई मूर्तिकला तालिम दिदै आएको सुगमराज शाक्यले प्रष्ट पारे । स्थानीस्तरमा तयार पारिएका काष्ठकलाको डिमान्ड बढ्न थालेको समेत उनले जानकारी दिए । काष्ठकला व्यवसायले पर्य सम्पदामा सहयोग पुगेको समेत उनले बताए । विद्या तुलाधर पासा पुच नेवारी खाजा घरकी संचालक हुन् ।

यसैगरी कीर्तिपुरमा उत्पादित सामाग्रीको प्रबद्र्धन गर्न अनलाइनबाट सामान बेच्दै आएको स्थानीय स्तरबाट उत्पादित सामग्रीलाई आधुनिकीकरण गर्दै अनलाइनबाट बेच्ने गरेको उनले बताइन ।


यसैगरी हस्तकला तथा काष्ठकला तालिम संचालन गरिएको सुजेन्द्र महर्जनले बताए । पर्या सम्पदा परियोजना अन्र्तगत छ सय जनालाई उद्दमशीलता तालिम दिइएको दुई सय साठी जनालाइ उद्द्योग संचालन गर्न सहयोग गरिएको समेत उनले जानकारी दिए ।
स्थानीय पथ प्रदर्शक अनिल तुलाधरले किरातकालीन इतिहास रहेको बुङ्गमती काठमाण्डु उपत्यकाकै होचो ठाउँ भएको बताए । रातो मछिन्द्रनाथ , दे पोखरी , सत फल्चा , नमोबुद्ध मन्दिर , यलो क्याफे , प्राचीन वस्ती , नेवारी सभ्यता , बुङ्गमती संग्रहालय , कार्यविनायक यहाँको पर्यटकिय गन्तव्यका रुपमा रहेको समेत उनले बताए । बुङ्गमतीका ८४६ पुराना घरमध्य ५७६ वटा घर गत ७२ सालको महाभूकम्पले क्षति भएको उनको भनाई थियो ।
विभिन्न सञ्चारमाध्यम मार्फत बुङ्गमती पर्यटक भित्र्याउन तयार छ भन्ने सन्देश दिनका लागि मिडिया भिजिट कार्यक्रम राखिएको प्रविन बज्राचार्यले जानकारी दिए साथै यस क्षेत्रको दिगो पर्यटनसंगै बुङ्गमतीमा रहेका काष्ठकला , चित्रकला , वास्तुकला , एवं , धार्मिक सांस्कृतिक महत्वलाइ प्रवर्द्धन गर्न पर्या सम्पदा परियोजना मार्फत थुप्रै परिवर्तनबारे आमनागरिकलाई जानकारी दिन यो कार्यक्रम सहयोगी हुने उनले बताए ।

प्रतिक्रिया दिनुहोस्